UGC-NET डिसेंबर २०२५ ची ई-प्रमाणपत्रे उपलब्ध! अशी करा डाउनलोड
ई-प्रमाणपत्रात उमेदवाराचे नाव, रोल नंबर, अर्ज क्रमांक, विषय, श्रेणी, एकूण गुण, टक्केवारी आणि पात्रता स्थिती यांचा समावेश असेल. प्रमाणपत्रावर फोटो आणि QR कोड असणे अनिवार्य आहे. जर एखाद्या उमेदवाराच्या प्रमाणपत्रात फोटो किंवा QR कोड नसेल तर ते अवैध मानले जाईल आणि त्याने पुन्हा डाउनलोड करावे, असे आवाहन करण्यात आले आहे.
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सीकडून (NTA) युजीसी-नेट डिसेंबर २०२५ (UGC-NET December 2025) परीक्षेची ई-प्रमाणपत्रे (E-Certificates Release) प्रसिद्ध करण्यात आली आहेत. परीक्षा दिलेल्या उमेदवारांना ही प्रमाणपत्रे अधिकृत संकेतस्थळ ugcnet.nta.ac.in किंवा ugcnet.nta.nic.in वर जाऊन डाऊनलोड करता येतील. परीक्षेत उत्तीर्ण झालेल्या उमेदवारांना सहायक प्राध्यापक पदासाठी किंवा ज्युनियर रिसर्च फेलोशिपसाठी (JRF) हे प्रमाणपत्र महत्त्वाचे असल्याचे मानले जाते.
UGC-NET डिसेंबर २०२५ परीक्षा ३१ डिसेंबर २०२५ ते ७ जानेवारी २०२६ या कालावधीत विविध केंद्रांवर घेण्यात आली होती. परीक्षेचा निकाल ४ फेब्रुवारी २०२६ रोजी जाहीर करण्यात आला. निकालानंतर आता ई-प्रमाणपत्रे जारी करण्याची प्रक्रिया सुरू झाली आहे. एनटीएने यासंदर्भात सार्वजनिक सूचना जारी करून उमेदवारांना अधिकृत पोर्टलवरून प्रमाणपत्र डाउनलोड करण्याचे आवाहन केले आहे.
ई-प्रमाणपत्रात उमेदवाराचे नाव, रोल नंबर, अर्ज क्रमांक, विषय, श्रेणी, एकूण गुण, टक्केवारी आणि पात्रता स्थिती यांचा समावेश असेल. प्रमाणपत्रावर फोटो आणि QR कोड असणे अनिवार्य आहे. जर एखाद्या उमेदवाराच्या प्रमाणपत्रात फोटो किंवा QR कोड नसेल तर ते अवैध मानले जाईल आणि त्याने पुन्हा डाउनलोड करावे, असे आवाहन करण्यात आले आहे.
ई-प्रमाणपत्र डाउनलोड कसे करावे?
परीक्षेत उत्तीर्ण झालेल्या उमेदवारांनी सर्वप्रथम अधिकृत वेबसाइट ugcnet.nta.ac.in किंवा ugcnet.nta.nic.in वर जावे. होमपेजवर “Issuance of e-Certificates for UGC-NET December 2025 Examination” किंवा “Download Certificate” लिंकवर क्लिक करा. Roll Number, Date of Birth (DD-MM-YYYY), Application Number यासह आवश्यक क्रेडेंशियल्स टाका. सिक्युरिटी कोड टाकून सबमिट करा. त्यानंतर प्रमाणपत्र स्क्रीनवर दिसेल, ते डाउनलोड करा आणि प्रिंट घ्या.
UGC-NET प्रमाणपत्र हे उच्च शिक्षण आणि संशोधन क्षेत्रात करिअर सुरू करण्यासाठी आधारभूत दस्तऐवज आहे. यामुळे हजारो उमेदवारांना सहायक प्राध्यापक पदासाठी अर्ज करण्याची संधी मिळेल.जर एखाद्या उमेदवाराला डाउनलोड करताना अडचण येत असेल तर NTA च्या हेल्पलाइनशी संपर्क साधावा किंवा अधिकृत वेबसाइट नियमित तपासावी. NTA ने उमेदवारांना प्रमाणपत्र ताबडतोब डाउनलोड करण्याचे आवाहन केले आहे.
