CUET UG परीक्षा पद्धतीत बदल;UGCअध्यक्षांनी दिली माहिती
आयोग लवकरच CUET-UG आणि CUET-PG 2025 आयोजित करण्यासाठी सुधारित मार्गदर्शक तत्त्वांचे तपशीलवार मसुदा जारी करेल, ज्यामध्ये विद्यार्थी, पालक, शिक्षक आणि संस्थांकडून अभिप्राय आणि सूचना मागवल्या जातील.
eduvarta@gmail.com 
एज्युवार्ता न्यूज नेटवर्क
CUET परीक्षा देणाऱ्या विद्यार्थ्यांना अधिक चांगले, अधिक कार्यक्षम आणि अनुकूल वातावरण उपलब्ध करून देण्यासाठी परीक्षा प्रक्रियेत सातत्याने होत असलेल्या सुधारणांचा एक भाग म्हणून UGC ने एक मोठा निर्णय घेतला आहे. विद्यापीठ अनुदान आयोगाने (University Grants Commission-UGC) CUET UG परीक्षेत (Common University Entrance Test) अनेक बदल केले आहेत. हे बदल सत्र 2025 पासून लागू होतील, अशी माहिती यूजीसीचे प्रमुख जगदीश कुमार (UGC chief Jagadish Kumar)यांनी दिली.
जगदीश कुमार म्हणाले , "विद्यार्थ्यांना CUET-UG साठी 12 वी मध्ये शिक्षण घेतेल्या विषयांव्यतिरिक्त कोणत्याही विषयास बसण्याची परवानगी दिली जाईल. यासह, ही परीक्षा आता केवळ संगणक आधारित चाचणी (CBT) पद्धतीने घेतली जाईल. 2025 पासून विद्यार्थी CUET-UG मध्ये जास्तीत जास्त पाच विषयांना बसू शकतील. सर्व CUET-UG परीक्षांचा कालावधी 60 मिनिटांचा असेल. यासोबतच परीक्षेतील ऐच्छिक प्रश्नांची संकल्पनाही रद्द करण्यात आली असून आता सर्व प्रश्न अनिवार्य असणार आहेत. तसेच 2025 सत्रापासून CUET-UG 37 ऐवजी 63 विषयांमध्ये घेण्यात येईल.
जगदीश कुमार म्हणाले की, 'आयोग लवकरच CUET-UG आणि CUET-PG 2025 आयोजित करण्यासाठी सुधारित मार्गदर्शक तत्त्वांचे तपशीलवार मसुदा प्रसिध्द करेल, ज्यामध्ये विद्यार्थी, पालक, शिक्षक आणि संस्थांकडून अभिप्राय आणि सूचना मागवल्या जातील.' CUET UG आणि PG चा आढावा घेण्यासाठी UGC ने तज्ञांची समिती स्थापन केली होती. या पॅनलने केलेल्या पाहणीनंतर हे बदल करण्यात आले आहेत.
