BE Admission : इंजिनिअरिंग प्रवेश प्रक्रियेचे वेळापत्रक प्रसिध्द
इंजिनिअरिंग अभ्यासक्रमाच्या प्रवेश प्रक्रियेचे वेळापत्रक प्रसिध्द करण्यात आले असून विद्यार्थ्यांना 14 ते 24 जुलै या कालावधीत प्रवेश अर्ज भरता येणार आहे.
eduvarta@gmail.com 
एज्युवार्ता न्यूज नेटवर्क
Engineering Admission Process : इंजिनिअरिंग अभ्यासक्रमाच्या प्रवेश प्रकियेची वाट पाहणाऱ्या विद्यार्थ्यांसाठी महत्वाची बातमी आहे.राज्य सामाईक प्रवेश परीक्षा कक्षातर्फे (CET CELL) इंजिनिअरिंग अभ्यासक्रमाच्या प्रवेश प्रक्रियेचे वेळापत्रक प्रसिध्द (Engineering Admission Process Time Table Released)करण्यात आले असून विद्यार्थ्यांना 14 ते 24 जुलै या कालावधीत ऑनलाईन प्रवेश अर्ज भरता येणार आहे.तर प्रवेशाची अंतिम गुणवत्ता यादी (Admission Final Merit List)येत्या 2 ऑगस्ट रोजी प्रसिध्द केली जाणार आहे.
MBA/B.Pharmacy/B. Ed/M. Ed अभ्यासक्रमाची प्रवेश प्रक्रिया सुरू; 22 जुलैपर्यंत मुदत
सीईटी सेलच्या माध्यमातून विविध व्यावसायीक अभ्यासक्रमाची प्रवेश प्रक्रिया राबवली जात असून कॅप अंतर्गत दिल्या जाणाऱ्या प्रवेशासाठी ऑनलाईन अर्ज भरून घेतले जात आहेत.प्रवेशासाठी अर्ज केल्यानंतर विद्यार्थ्यांच्या कागदपत्रांची तपासणी येत्या 15 ते 25 जुलै या कालावधीत केली जाणार आहे.विद्यार्थ्यांची तात्पूर्ती गुणवत्ता यादी 27 जुलै रोजी प्रसिद्ध करण्यात येणार आहे.त्यानंतर 28 ते 30 जुलै या कालावधीत विद्यार्थ्यांना प्रवेशाबाबत हरकती नोंदवता येतील.तर 2 ऑगस्ट रोजी विद्यार्थ्यांनी अंतिम गुणवत्ता यादी जाहीर केली जाईल.
इंजिनिअरिंग प्रवेशासाठी खुल्या प्रवर्गासाठी अर्ज भरण्यास एक हजार रुपये शुल्क आहे. तर आरक्षित घटकांसाठी 800 रुपये आहे. तर एनआरआय व पीआयओ कोट्यातील विद्यार्थ्यांसाठी 10 हजार रुपये शुल्क आहे.
राज्य सामाईक प्रवेश परीक्षा कक्षातर्फे इंजिनिअरिंग अभ्यासक्रमाच्या प्रवेश प्रक्रियेबाबतचे सविस्तर वेळापत्रक सीईटी सेलच्याhttps://fe2024.mahacet.org/StaticPages/HomePage या लिंकवर उपलब्ध आहे.विद्यार्थी प्रवेश प्रक्रियेच्या अधिक माहितीसाठी वेळापत्रक पाहू शकतात.
