विद्यार्थ्यांना प्रती महिना १ हजार रुपये मिळणार; 'या' सरकारची मोठी घोषणा.. 

एज्युवार्ता न्यूज नेटवर्क 

तामिळनाडू सरकारने (Tamil Nadu Government) नुकतीच विद्यार्थ्यांना प्रती महिना 1 हजार रूपये (1 thousand rupees per month for students) देण्याची घोषणा केली. तमिळनाडूचे मुख्यमंत्री एम के स्टॅलिन (Tamil Nadu CM MK Stalin) यांनी राज्यातील सरकारी आणि अनुदानित शाळांमधील मुलांना उच्च शिक्षण घेण्यासाठी मदत म्हणून तमिळ पुत्र (तमीज पुधलवन) ही योजना (Tameez Pudhalvan Scheme) सुरू केली आहे. सरकारी कला महाविद्यालयात या योजनेचा शुभारंभ करताना मुख्यमंत्री स्टॅलिन यांनी ही घोषणा  केली. 

 द्राविड मॉडेल सरकार सामाजिक न्यायासाठी वचनबद्ध आहे आणि त्या अनुषंगाने अनेक कल्याणकारी योजनांची रूपरेषा आखली आहे. मुलांचा शिक्षणाचा हक्क मिळवण्याच्या दिशेने सुरू असलेल्या मुख्यमंत्री नाष्टा योजनेअंतर्गत 20 लाख 73 हजार मुलांनी लाभ घेतला आहे. कौशल्य विकास आणि रोजगार सुविधा योजनेअंतर्गत, नान मुधलवण योजना ही योजना राबवण्यात येत आहे. त्याद्वारे आत्तापर्यंत 28 लाख विद्यार्थ्यांना रोजगार सुनिश्चित करण्यासाठी प्रशिक्षण देण्यात आले आहे, असे मुख्यमंत्री यावेळी बोलताना म्हणाले. 

पुधुमाई पेन योजनेंतर्गत, सरकारी शाळांमध्ये शिक्षण पूर्ण केल्यानंतर सुमारे 3.28 लाख महाविद्यालयीन विद्यार्थिनींना दरमहा 1 हजार रुपयांची मदत मिळते. असाच एक उपक्रम म्हणजे 'तमीझ पुधलवण' योजना आहे, ज्याअंतर्गत मुलांना दरमहा 1 हजार रुपयांची मदत दिली जाणार आहे. ही योजना सरकारी शाळांमध्ये सहावी ते १२वी पर्यंतचे शिक्षण पूर्ण केलेल्यांसाठी लागू आहे. या योजनेअंतर्गत, 1 हजार रुपयांची मदत रक्कम थेट लाभार्थी विद्यार्थांच्या बँक खात्यात जमा केली जाईल, असे मुख्यमंत्री एम के स्टॅलिन म्हणाले.