प्रतीक्षा संपली! RTE मोफत प्रवेशाच्या लाॅटरीची तारीख जाहीर
शिक्षण विभागाच्या माहितीनुसार, या प्रक्रियेत पूर्णपणे पारदर्शकता राखण्यासाठी डिजिटल प्रणालीचा वापर करण्यात येत आहे. त्यामुळे कोणत्याही प्रकारचा हस्तक्षेप किंवा गैरप्रकार होण्याची शक्यता नाही. पालकांना त्यांच्या अर्जाची स्थिती ऑनलाइन पाहण्याची सुविधा देखील उपलब्ध करून देण्यात आली आहे.
eduvarta@gmail.com 
एज्युवार्ता न्यूज नेटवर्क
सन २०२६-२७ या शैक्षणिक (Academic year 2026-27) वर्षासाठी आरटीई अंतर्गत प्रवेश प्रक्रियेतील (RTE Admission Process) महत्त्वाचा टप्पा असलेली (Lottery date announced) लाॅटरीची तारीख जाहीर करण्यात आली आहे. येत्या सोमवार, दि. ६ एप्रिल २०२६ रोजी सकाळी ११:०० वाजता महाराष्ट्र राज्य शैक्षणिक संशोधन व प्रशिक्षण परिषद, (विद्या प्राधिकरण) पुणे येथे काढण्यात येणार आहे. सदर सोडतीचे थेट प्रक्षेपण यु-ट्युबद्वारे करण्यात असून पालकांना याची लिंक उपलब्ध करुण देण्यात येणार आहे, असे प्राथमिक शिक्षण संचालक शरद गोसावी (Sharad Gosavi) यांच्या कार्यालयाकडून प्रसिद्ध करण्यात आलेल्या पत्रकात म्हटले आहे.
शिक्षण RTE प्रवेशाची लॉटरी थोड्याच वेळात; पालकांना येथे LIVE पाहता येणार ऑनलाईन सोडत
राज्यभरातील हजारो पालकांनी आपल्या मुलांच्या आरटीई प्रवेशासाठी ऑनलाइन अर्ज केले असून, या सर्व अर्जांमधून संगणकीय पद्धतीने पारदर्शक लाॅटकी काढण्यात येणार आहे. लाॅटरीत निवड झालेल्या विद्यार्थ्यांची यादी अधिकृत पोर्टलवर जाहीर केली जाणार आहे.
शिक्षण विभागाच्या माहितीनुसार, या प्रक्रियेत पूर्णपणे पारदर्शकता राखण्यासाठी डिजिटल प्रणालीचा वापर करण्यात येत आहे. त्यामुळे कोणत्याही प्रकारचा हस्तक्षेप किंवा गैरप्रकार होण्याची शक्यता नाही. पालकांना त्यांच्या अर्जाची स्थिती ऑनलाइन पाहण्याची सुविधा देखील उपलब्ध करून देण्यात आली आहे. सोडतीनंतर निवड झालेल्या विद्यार्थ्यांच्या पालकांना निश्चित कालावधीत आवश्यक कागदपत्रे सादर करून प्रवेश प्रक्रिया पूर्ण करावी लागणार आहे. वेळेत कागदपत्रे सादर न केल्यास पुढील प्रतीक्षा यादीतील विद्यार्थ्यांना संधी दिली जाईल. दरम्यान, पालकांनी अधिकृत संकेतस्थळावर लक्ष ठेवावे आणि कोणत्याही अफवांवर विश्वास ठेवू नये, असे आवाहन शिक्षण विभागाकडून करण्यात आले आहे.
यंदा राज्यातील आठ हजार ७०१ शाळांमध्ये एक लाख १४ हजार ८३३ जागा प्रवेशासाठी उपलब्ध आहेत. यासाठी दोन लाख ८८ हजारांहून अधिक बालकांच्या प्रवेशासाठी अर्ज करण्यात आले आहेत. गेल्या वर्षी या प्रवेशासाठी जवळपास तीन लाखांहून अधिक अर्ज आले होते. यंदा अर्जाच्या संख्येत काही प्रमाणात घट झाल्याचे दिसून येत आहे.
View this post on Instagram
