पुस्तक प्रेमींसाठी खुशखबर ! आगामी पुस्तक महाेत्सवाची तारीख ठरली,पुण्याचा महोत्सव देशात दुसरा

एज्युवार्ता न्यूज नेटवर्क 

पुस्तक प्रेमींसाठी मोठी पर्वणी ठरणारा आणि विद्यार्थी व सर्व सामान्यांना वाचनाची गोडी लावणारा पुण्याचा आगामी पुस्तक महोत्सव 2025 (Book Festival 2025)येत्या १३ ते २१ डिसेंबर दरम्यान फर्ग्युसन महाविद्यालयात आयोजित केला जाणार आहे.राष्ट्रीय पुस्तक न्यासच्या वतीने देशभर पुस्तक महाेत्सव आयाेजित केले जातात याला मिळणारा प्रतिसाद आणि यशाचा विचार करता दिल्लीपाठाेपाठ पुण्याचा नंबर लागताे. मुंबई, पुणे, नागपूर पाठाेपाठ नाशिक, छत्रपती संभाजीनगर येथेही पुस्तक महाेत्सव आयाेजित केले जाणार आहे. त्यादृष्टीने प्रयत्न सुरू आहेत, राष्ट्रीय पुस्तक न्यासचे संचालक युवराज मलिक (Yuvraj Malik, Director of National Book Trust)यांनी पुण्यात पत्रकारांशी बोलताना ही माहिती सांगितली. याप्रसंगी पुणे पुस्तक महाेत्सवाचे मुख्य संयाेजक राजेश पांडे (Rajesh Pandey, Chief Coordinator of Pune Book Festival), प्रसेनजीत फडणवीस उपस्थित हाेते. 

मलिक म्हणाले की, आगामी पुस्तक महाेत्सवाची थीम ‘जाॅय ऑफ रिडिंग’ अर्थात वाचनाचा आनंद अशी असणार आहे. तसेच वाचन संस्कृतीला चालना देणारे उत्तम वृत्तांकन (बेस्ट कव्हरेज), उत्तम फाेटाे यांची नाेंद घेऊन विशेष पुरस्काराने गाैरविण्यात येणार आहे. शिवाय तीन हजार पुस्तक फ्री डाउनलोड करण्याची सुविधा उपलब्ध करून दिली जाईल. दर्जेदार आणि समताेल आशय असणारी पुस्तकं या महाेत्सवामध्ये असणार आहेत. पुण्यासाठी खास फिरती पुस्तक बस असेल. त्यातून आसपासच्या गावांत वाचन संस्कृतीचा प्रचार-प्रसार केला जाईल.
-------------

चाेरीच्या, पायरेटेड पुस्तकांना बंदी 

सुरुवातीला माेठ्या शहरांत, त्यानंतर टप्या-टप्प्याने अगदी गावापर्यंत पुस्तक महाेत्सव घेऊन जायचं आहे. हे करत असताना प्रदर्शनात चाेरीच्या किंवा पायरेटेड पुस्तकांची विक्री हाेणार नाही, याचीही दक्षता घेतली जाणार आहे. त्यादृष्टीने एक समिती स्थापन केली जाणार आहे. शिवाय मराठी, हिंदी, इंग्रजी असे स्वतंत्र प्रदर्शन भरविण्याचा मानस आहे. पुस्तक प्रदर्शनाबराेबरच सांस्कृतिक उपक्रमांना प्राधान्य दिले जाईल, असेही राष्ट्रीय पुस्तक न्यासचे संचालक युवराज मलिक यांनी सांगितले.