युपीएससी सीएसई ९३३ पदांसाठी भरतीची जाहिरात प्रसिद्ध, 'या' तारखेपर्यंत करता येणार अर्ज

एज्युवार्ता न्यूज नेटवर्क

केंद्रीय लोकसेवा आयोगाच्या (UPSC) परीक्षेची तयारी करणाऱ्या उमेदवारांसाठी महत्त्वाची अपडेट समोर आली आहे. आयोगाने नागरी सेवा परीक्षा (Civil Services Exam) २०२६ साठी ९३३ जागांची जाहिरात प्रसिद्ध (Advertisement for 933 vacancies published) केली आहे. यूपीएससीकडून नागरी सेवा पूर्व परीक्षेसाठी अर्ज दाखल करण्याची प्रक्रिया सुरु (Application process started) झाली आहे. अर्ज दाखल करण्याचा शेवटचा दिवस 24 फेब्रुवारी 2026 (The last day is February 24, 2026) आहे. ज्या विद्यार्थ्यांना या परीक्षेसाठी अर्ज करायचा आहे. ते upsc.gov.in या वेबसाईटवर जाऊन ऑनलाईन अर्ज सादर करु शकतात.

हेही वाचा - डी.एल.एड्. डिसेंबर २०२५ परीक्षेचा निकाल जाहीर

आयोगाच्या सूचनेनुसार, विद्यार्थ्यांनी अर्ज दाखल करण्यापूर्वी अटी, अर्ज, वयोमर्यादा आणि इतर गोष्टींसंदर्भातील नियम जाणून घेणं आवश्यक आहे. केंद्रीय लोकसेवा आयोगाच्या नोटिफिकेशननुसार 933 पैकी 33 पद दिव्यांगांसाठी राखीव आहेत. यासंदर्भातील अधिक माहिती यूपीएससीच्या जाहिरातीत उपलब्ध आहे. केंद्रीय लोकसेवा आयोगाच्या माहितीनुसार पदांच्या संख्येत बदलाची शक्यता आहे. यामध्ये पुढील काळात दुरुस्ती म्हणजे वाढ होण्याची शक्यता आहे.

केंद्रीय लोकसेवा आयोगाच्या नागरी सेवा पूर्व परीक्षेसाठी अर्ज करणारा विद्यार्थी पदवीधर असणे आवश्यक आहे. पदवीचे शिक्षण मान्यताप्राप्त विद्यापीठातून पूर्ण झालेले असावे. तसेच उमेदवाराचे वय 1 ऑगस्ट 2026 ला किमान 21 वर्ष आणि कमाल 32 वर्ष असावे. आरक्षित प्रवर्गातील विद्यार्थ्यांना वयोमयदित नियमानुसार सूट दिली जाईल.
भरती प्रक्रियेत सहभागी होणाऱ्या उमेदवारांना १०० रुपये अर्ज शुल्क भरावे लागेल. शुल्क ऑनलाइन भरता येते. अनुसूचित जाती, जमाती, पीएच आणि महिला उमेदवार मोफत अर्ज करू शकतात. महाराष्ट्रात, मुंबई, नवी मुंबई, ठाणे, नाशिक, छत्रपती संभाजीनगर, पुणे या केंद्रांवर पूर्व परीक्षा होणार आहे. या परीक्षेची तयारी करणाऱ्या विद्यार्थ्यांना ही चांगली संधी आहे.