'सीबीएसई'कडून सीटीईटी परीक्षेचे प्रवेशपत्र प्रसिद्ध, ७ आणि ८ फेब्रुवारीला परीक्षा 

एज्युवार्ता न्यूज नेटवर्क

केंद्रीय माध्यमिक शिक्षण मंडळाने (CBSE) ७ आणि ८ फेब्रुवारी २०२६ मध्ये होणाऱ्या केंद्रीय शिक्षक पात्रता परीक्षा (CTET) परीक्षेला बसणाऱ्या लाखो उमेदवारांसाठी महत्त्वाची अपडेट समोर आली आहे. सीबीएसई ने सीटीईटी परीक्षा २०२६ साठीचे प्रवेशपत्र उपलब्ध (Admit card released) करण्यात आले आहे. या परीक्षेसाठी अर्ज केलेले उमेदवार अधिकृत संकेतस्थळ https://ctet.nic.in ला भेट देऊन त्यांचे प्रवेशपत्र डाउनलोड करू (Download the admit card) शकतात. CTET परीक्षेला बसण्यासाठी प्रवेशपत्र हे अनिवार्य आहे; त्याशिवाय कोणत्याही उमेदवाराला परीक्षा केंद्रात प्रवेश दिला जाणार नसल्याचे स्पष्ट करण्यात आले आहे. 

सीटीईटी परीक्षा ७ आणि ८ फेब्रुवारी २०२६ रोजी होणार आहे. ही परीक्षा दोन दिवस, दोन शिफ्टमध्ये घेतली जाईल. पेपर १ आणि पेपर २ हे दोन्ही दिवस १ आणि २ रोजी घेतले जातील. पेपर १ प्राथमिक शिक्षक बनू इच्छिणाऱ्या उमेदवारांसाठी असेल, तर पेपर २ उच्च प्राथमिक शिक्षक बनण्याची तयारी करणाऱ्या उमेदवारांसाठी असेल. परीक्षेच्या वेळा निश्चित करण्यात आल्या आहेत. पेपर १ सकाळच्या शिफ्टमध्ये आणि पेपर २ दुपारच्या शिफ्टमध्ये घेण्यात येईल. प्रत्येक पेपरसाठी २ तास ३० मिनिटे वेळ देण्यात आलेला आहे. 

सीटीईटी परीक्षा देशभरातील १४० शहरांमध्ये घेतली जाईल. उमेदवारांना त्यांच्या अर्जांच्या आधारे परीक्षा शहरे नियुक्त करण्यात आली आहेत. यापूर्वी, सीबीएसईने २३ जानेवारी २०२६ रोजी शहर सूचना स्लिप जारी केली होती, ज्यामुळे उमेदवारांना त्यांची परीक्षा कोणत्या शहरात होणार आहे याची आगाऊ माहिती मिळाली असेल. यामुळे उमेदवारांचे प्रवास आणि निवास नियोजन सुलभ होते. उमेदवारांना परीक्षा सुरू होण्याच्या किमान एक तास आधी परीक्षा केंद्रावर पोहोचण्याच्या सूचना देण्यात आल्या आहेत. 

परीक्षा केंद्रात प्रवेश करण्यापूर्वी ओळख पडताळणी केली जाईल. उमेदवारांनी त्यांचे प्रवेशपत्र आणि आधार कार्ड, मतदार ओळखपत्र किंवा पासपोर्ट सारखे मूळ ओळखपत्र आणावे. वैध कागदपत्रांशिवाय कोणत्याही उमेदवाराला परीक्षेला बसू दिले जाणार नाही. उमेदवारांना त्यांच्या प्रवेशपत्रावरील सर्व माहिती काळजीपूर्वक तपासणे आवश्यक आहे. उमेदवाराचे नाव, रोल नंबर, परीक्षेची तारीख, वेळ, परीक्षा केंद्राचा पत्ता आणि फोटो स्पष्टपणे छापलेला असावा. जर काही विसंगत माहिती आढळल्यास उमेदवारांनी ताबडतोब सीबीएसईशी संपर्क साधावा, असे आवाहन करण्यात आले आहे.