खोटी तक्रार देणाऱ्यांवर फौजदारी गुन्हा दाखल करा; डॉ. संदीप पाथ्रीकर यांची मागणी

एज्युवार्ता न्यूज नेटवर्क

संदीप पाथ्रीकर यांनी उच्च शिक्षण मंत्रालयाची फसवणूक केल्याची तक्रार राहुल वडमारे यांनी केली. तर उच्च शिक्षण संचालक व सहसंचालक (Director and Associate Director of Higher Education) यांच्या सांगण्यावरून माझ्यावर हे तथ्यहिन व बिनबुडाचे आरोप करून खोटी तक्रार दाखल केल्याचा आरोप, महाराष्ट्र नवप्राध्यापक संघटनेचे अध्यक्ष प्रा. संदीप पाथ्रीकर (Prof. Sandeep Pathrikar) यांनी केला आहे. तक्रारीत केलेल्या आरोपानुसार मी दोषी नसेल तर राहुल वडमारे यांच्यावर फौजदारी कार्यवाही करावी, अशा मागणी पाथ्रीकर यांनी राज्याचे मुख्यमंत्री देवेंद्र फडणवीस (Chief Minister Devendra Fadnavis) यांच्याकडे निवेदनाद्वारे केली आहे.

मी महाविद्यालयीन कर्तव्य प्रामाणिक पार पाडतो,कुठेही विद्यार्थ्यांचे नुकसान होणार नाही; याची मी काळजी घेतो. या व्यतिरिक्त मी महाराष्ट्रातील NET, SET, Ph.D पात्रता धारक व CHB प्राध्यापक तसेच नवनियुक्त प्राध्यापकांचे प्रश्न सोडवण्यासाठी महाराष्ट्र नवप्राध्यापक संघटनेच्या माध्यमातून प्राध्यापक पदभरती CHB मानधनवाढ व पुर्णवेळ प्राध्यापकांचे प्रश्न शासन दरबारी मांडतो. पदोन्नती व CHB मानधन वाटपात भ्रष्टाचार करणारे उच्च शिक्षणातील भ्रष्ट अधिकारी यांच्या विरोधात आवाज उठवण्याचे काम करत असल्याचे संदीप पाथ्रीकर यांनी आपल्या निवेदनात म्हटले आहे. 

माझ्या विरोधात तथ्यहीन तक्रारी-आरोप करून बदनामी करणे तसेच न्युज चॅनलला माहीती देणे. ही तक्रार जाणीवपुर्वक त्रास देण्याच्या व ब्लॅकमेलींग करण्याच्या उद्देशाने देलेली असल्याचा आरोप पाथ्रीकर यांनी केला आहे. या कटामध्ये उच्च शिक्षण संचालक कार्यालयातील भ्रष्ट अधिकारी असल्याचा आरोपही त्यांनी केला आहे.

माझ्यावर खोटे व बदनामी करणारे आरोप उच्च शिक्षण विभागातील अधिकारी यांच्या सांगण्यावरून केले जात असल्याचा माझा संशय आहे. म्हणून त्यांनी दिलेल्या निवेदनाची सत्यता तपासावी त्यात जर तथ्य नसेल तर संबंधित राहुल जी वडमारे यांच्यावर गुन्हा दाखल करावा. तसेच शासकिय पदावर बसून असंवैधानिक कट रचने पदाचा दुरुपयोग करणे. तसेच मी कार्यरत असलेल्या दगडोजीराव देशमुख महाविद्यालयावर एकतर्फी व आकसापोटी शासनाची परवानगी न घेता कारवाई करणे, इतर शकडो महाविद्यालयावर कुठलीच कारवाई न करणे, सतत प्राचार्याला फोन करूण धमकावने असले प्रकार अधिकारी स्थरावरून सुरू आहे. त्यामुळे शिक्षण संचालक कार्यालयातील अधिकाऱ्यांची चौकशी करावी. तसेच संबंधितांना निलंबित करून त्यांच्यावर गुन्हा दाखल करावा, अशी मागणी महाराष्ट्र नवप्राध्यापक संघटनेचे अध्यक्ष प्रा. संदीप पाथ्रीकर यांनी मुख्यमंत्री फडणवीस यांच्याकडे निवेदनाद्वारे केली आहे.