विद्यापीठातून हे शॉर्ट टर्म कोर्सेस करा अन् लगेच नोकरीही मिळवा! 

एज्युवार्ता न्यूज नेटवर्क

मागील काही वर्षांपासून विद्यार्थी कमी कालावधीचे म्हणजेच शॉर्ट टर्म कोर्सेसला (Short Term Courses) अधिक पसंती देऊ लागले आहेत. असे अनेक कोर्स विविध शैक्षणिक संस्थामध्ये शिकविले जातात. कमी कालावधीत दर्जेदार कोर्स पूर्ण करून लगेच नोकरीचीही (Recruitment) संधी मिळत असल्याने अनेक विद्यार्थी (Students) या कोर्सेसच्या शोधात असता. विद्यार्थ्यांनो, सावित्रीबाई पुणे विद्यापीठातच्या तंत्रज्ञान विभागामध्ये (SPPU Technology Department) असे अनेक कोर्स सध्या सुरू असून त्याला प्रतिसादही चांगला मिळत आहे.

विद्यार्थ्यांनी हे कोर्स केल्यानंतर कमी कालावधीत नवीन आणि उपयुक्त ज्ञान मिळू शकते. या शॉर्ट टर्म कोर्सच्या माध्यमातून प्लेसमेंटही लवकर झाली तर या विद्यार्थ्यांच्या भवितव्याचा प्रश्न काहीअंशी मार्गी लागतो. हीच गरज लक्षात घेत विद्यापीठाच्या तंत्रज्ञान विभागाने काही पदविका अभ्यासक्रम तयार केले असून त्याला पसंतीस उतरले आहे. या कोर्सेसचे वैशिष्ट्य म्हणजे हे पदव्युत्तर कोर्सेस कोणत्याही विषयातून पदवी घेतलेले  विद्यार्थी करू शकतात. 

शिक्षणविषयक ताज्या बातम्यांसाठी येथे क्लिक करा. https://eduvarta.com/

पुणे विद्यापीठाकडून 'पोस्ट ग्रॅज्युएट डिप्लोमा इन डेटा सायन्स' , 'पोस्ट ग्रॅज्युएट डिप्लोमा इन इलेक्ट्रिक मोबिलिटी' , 'पोस्ट ग्रॅज्युएट डिप्लोमा इन इंडस्ट्री 4.0 बेस मॅकेटॉनिक्स अँड रोबोटिक्स', 'पोस्ट ग्रॅज्युएट डिप्लोमा इन क्लिनिकल डेटा मॅनेजमेंट' , 'पोस्ट ग्रॅज्युएट डिप्लोमा इन थर्माको व्हिजिलन्स' हे एक वर्ष कालावधीचे  शॉर्ट टर्म कोर्स घेतले जातात. या कोर्स नंतर विद्यार्थ्यांना लगेच प्लेसमेंट देण्याचीही सुविधा पुणे विद्यापीठात आहे, अशी माहिती विद्यापीठाच्या तंत्रज्ञान विभागातील तज्ज्ञ  सुमेध रामटेके (Sumedh Ramteke) यांनी दिली. 

रामटेके म्हणाले, " आम्ही तीन वर्षांपूर्वी हे कोर्सेस सुरु केले. त्यावेळी पुण्यातील काही प्रमुख तांत्रिक महाविद्यालयांमध्येही हे कोर्सेस सुरु होते. पण सध्या या तांत्रिक महाविद्यालयांमध्ये परिस्थिती खूप खराब झाली आहे. विद्यार्थ्यांअभावी काही कोर्सेस बंद केले आहेत. तर पुणे विद्यापीठात सुमारे २५० विद्यार्थी हे कोर्सेस शिकत आहेत. आतापर्यंत जवळपास ५०० विद्यार्थ्यांना या कोर्सेसच्या माध्यमातून चांगली प्लेसमेंट मिळाली आहे."