शालेय विद्यार्थ्यांसाठी विद्यापीठात वैज्ञानिक प्रशिक्षण वर्ग

एज्युवार्ता न्यूज नेटवर्क 

सावित्रीबाई फुले पुणे विद्यापीठातील (Savitribai Phule Pune University) विज्ञान शिक्षण आणि संप्रेषण केंद्राद्वारे (Centers for Science Education and Communication)शालेय विद्यार्थ्यांसाठी (School students)वैज्ञानिक  प्रशिक्षण वर्गाचे (Scientific Training Class)आयोजन करण्यात आले आहे. मुलांची जिज्ञासा जागृत करण्यासाठी आणि अनुभवात्मक शिक्षण प्रक्रियेचा वापर करून त्यांची विचार करण्याची क्षमता सुधारावी यासाठी केंद्रामार्फत हे वर्ग घेण्यात येत आहे.

या उपक्रमात शालेय अभ्यासक्रमात समाविष्ट वैज्ञानिक संकल्पना संवादात्मक प्रयोग, प्रात्यक्षिके, 'डू इट युअरसेल्फ' अशा विविध पद्धतीने शिकविण्यात येणार आहेत. वर्ग ४ ते ९ च्या विद्यार्थ्यांसाठी असलेले हे वर्ग २९ जुलैपासून सुरू होत असून यासाठी २८  जुलैपर्यंत अर्ज करता येणार आहे. हा उपक्रम जानेवारी २०२५ पर्यंत राबविण्यात येत असून प्रत्येक आठवड्याला एक वर्ग होणार आहे. या वर्गात मराठी, हिंदी आणि इंग्रजी भाषेतून शिकविले जाणार आहे.

हसत खेळत विज्ञानाचे शिक्षण घेण्यासाठी या उपक्रमात मोठ्या संख्येने सहभागी होण्याचे आवाहन विज्ञान शिक्षण आणि संप्रेषण केंद्राद्वारे करण्यात आले आहे. यासंबंधी अधिक माहितीसाठी तुम्ही http://www.unipune.ac.in/   , http://sciencepark.unipune.ac.in/  या वेबसाईटला भेट देऊ शकता किंवा अबोली - ९५५२६५६९२४, आयेशा - ९८६०१६१८५४ या क्रमांकावर संपर्क साधू शकता.