SSC & HSC Exam 2025 : इयत्ता दहावी आणि बारावीचे वेळापत्रक जाहीर

एज्युवार्ता न्यूज नेटवर्क

महाराष्ट्र राज्य माध्यमिक व उच्च माध्यमिक शिक्षण मंडळाच्या (Maharashtra State Board of Secondary and Higher Secondary Education) नऊ विभागीय मंडळांमार्फत आयोजित करण्यात येणाऱ्या फेब्रुवारी-मार्च 2025 च्या इयत्ता १० वी आणि १२ वीच्या (10th and 12th Exam) लेखी व प्रात्यक्षिक परीक्षांचे वेळापत्रक (Timetable of Written and Practical Examinations) जाहीर करण्यात आले आहे.त्यानुसार इयत्ता बारावीची परीक्षा मंगळवार दि. ११ फेब्रुवारी २०२५ ते मंगळवार दि. १८ मार्च २०२५ दरम्यान आयोजित करण्यात येणार आहे.

त्याचबरोबर प्रात्यक्षिक, श्रेणी, तोंडी व अंतर्गत मूल्यमापन तसेच NSQF अंतर्गत व्यावसायिक अभ्यासक्रम प्रात्यक्षिक परीक्षा शुक्रवार दि. २४ जानेवारी २०२५ ते सोमवार १० फेब्रुवारी २०२५ दरम्यान आयोजित केली जाईल.तर इयत्ता दहावीची परीक्षा शुक्रवार दि. २१ फेब्रुवारी २०२५ ते सोमवार दि. १७ मार्च २०२५ दरम्यान आयोजित केली जाणार आहे. तर प्रात्यक्षिक, श्रेणी, तोंडी परीक्षा व अंतर्गत मूल्यमापन परीक्षा सोमवार दि. ३ फेब्रुवारी २०२५ ते गुरुवार दि. २० फेब्रुवारी २०२५ दरम्यान आयोजित करण्यात येणार आहे. 

याबरोबरच इयत्ता बारावी व्होकेशनल अभ्यासक्रमासाठीची परीक्षा दि. ११ फेब्रुवारी ते ११ मार्च २०२५ या कालावधीत आयोजित करण्यात येईल.दरम्यान, सविस्तर वेळापत्रक मंडळाच्या https://mahahsscboard.in/mr या अधिकृत संकेतस्थळावर आजपासून पासून उपलब्ध करून देण्यात आले आहे. सविस्तर वेळापत्रक पाहण्यासाठी खाली दिलेल्या या अधिकृत संकेतस्थळाला भेट द्यावी.

इयत्ता दहावी

https://board-strapi-upload.s3.ap-south-1.amazonaws.com/timetable_ssc_mar_2025_fc73052b80.pdf

इयत्ता बारावी

https://board-strapi-upload.s3.ap-south-1.amazonaws.com/timetable_hsc_feb_2025_gen_bifocal_5be993109e.pdf

इयत्ता बारावी व्होकेशनल

https://board-strapi-upload.s3.ap-south-1.amazonaws.com/timetable_hsc_feb_2025_vocational_5c2eeead2a.pdf