AILET प्रवेशपत्र 'या' दिवशी होणार प्रसिद्ध!

एज्युवार्ता न्यूज नेटवर्क 

अखिल भारतीय कायदा प्रवेश चाचणीचे (All India Law Entrance Test) AILET प्रवेशपत्र प्रसिद्ध होण्याच्या तारखेची घोषणा झाली आहे. हॉल तिकीट Nationallawuniversitydelhi.in या अधिकृत वेबसाइटवर 28 नोव्हेंबर 2024 रोजी प्रसिद्ध केले जातील. (admit card Will be released on the official website on November 28) ज्या उमेदवारांनी परीक्षेसाठी अर्ज केला आहे ते अधिकृत वेबसाइटला भेट देऊन त्यांचे हॉल तिकीट डाउनलोड करू शकतील. प्रवेशपत्र डाउनलोड करण्यासाठी, उमेदवारांना नोंदणी आयडी आणि पासवर्ड सारखी लॉगिन प्रमाणपत्रे सबमिट करावी लागतील. 

नॅशनल लॉ युनिव्हर्सिटी, NLU ने प्रसिद्ध केलेल्या माहितीनुसार, 'ही परीक्षा 8 डिसेंबर 2024 रोजी होणार आहे. ही परीक्षा दुपारी २ ते ४ या वेळेत होईल. परीक्षेसाठी प्रवेशपत्रे 28 नोव्हेंबर 2024 रोजी अधिकृत वेबसाइटवर उपलब्ध करून दिली जातील.'

अखिल भारतीय कायदा प्रवेश चाचणी परीक्षेसाठी अर्ज प्रक्रिया 1 ऑगस्ट 2024 पासून सुरू झाली, जी 18 नोव्हेंबर 2024 पर्यंत सुरू होती. उमेदवारांना 19 नोव्हेंबर 2024 पर्यंत फी जमा करण्याची मुभा होती. 

AILET 2025 प्रवेशपत्र डाउनलोड करण्यासाठी सर्व उमेदवारांनी सर्वप्रथम Nationallawuniversitydelhi.in या अधिकृत वेबसाइटला भेट द्यावी. मुख्यपृष्ठावर उपलब्ध AILET 2025 प्रवेशपत्र लिंकवर क्लिक करा. लॉगिन क्रेडेन्शियल्स सबमिट करा. AILET Admit Card 2025 स्क्रीनवर दिसेल. अखिल भारतीय कायदा प्रवेश परीक्षेचे प्रवेशपत्र पहा आणि डाउनलोड करा. 

अखिल भारतीय कायदा प्रवेश परीक्षा मुंबई, नागपूर, पुणे, बेंगळुरू, बिलासपूर (छत्तीसगड), भोपाळ, चंदीगड, चेन्नई, कोचीन, कटक, डेहराडून, दिल्ली, गांधीनगर, गाझियाबाद, ग्रेटर नोएडा, गुरुग्राम, गुवाहाटी, हैदराबाद, जबलपूर, जयपूर, जम्मू येथे घेतली जाईल. याशिवाय, ही परीक्षा जोधपूर, कानपूर, कोलकाता, कोटा, लखनौ, पाटणा, रायपूर, रांची, तिरुवनंतपुरम, शिमला, सिलीगुडी, वाराणसी आणि विशाखापट्टणम या शहरांमध्ये होणार आहे.