SSC CHSL टियर -2 परीक्षेसाठी अधिसूचना प्रसिद्ध; 18 नोव्हेंबरला होणार परीक्षा

एज्युवार्ता न्यूज नेटवर्क  

स्टाफ सिलेक्शन कमिशनने संयुक्त उच्च माध्यमिक स्तरासाठी (SSC CHSL) अधिसूचना जाहीर केली आहे. अधिसूचनेनुसार, टियर 1 परीक्षा उत्तीर्ण झालेले उमेदवार (Candidates) https://ssc.gov.in/ या अधिकृत वेबसाइटवर परीक्षेचे वेळापत्रक तपासू शकतात. SSC CHSL टियर - 2 परीक्षा (SSC CHSL Tier - 2 Exam) 18 नोव्हेंबरला होणार आहे. 

या रिक्त पदासाठी टियर 1 ची परीक्षा 1 जुलै ते 11 जुलै 2024 दरम्यान घेण्यात आली होती.  ज्याचा निकाल 6 सप्टेंबर रोजी जाहीर झाला होता. या परीक्षेत एकूण 39 हजार 835 उत्तीर्ण झाले आहेत. आता टियर 2 चे वेळापत्रक जाहीर करण्यात आले आहे.  टियर 1 परीक्षेत उत्तीर्ण झालेले उमेदवार 18 नोव्हेंबर रोजी होणाऱ्या टियर 2 परीक्षेला बसण्यास पात्र आहेत.

निम्न विभागीय लिपिक, कनिष्ठ सचिवालय सहाय्यक, पोस्टल सहाय्यक, वर्गीकरण सहाय्यक आणि डेटा एंट्री ऑपरेटर (Lower Divisional Clerks, Junior Secretarial Assistants, Postal Assistants, Sorting Assistants and Data Entry Operators) पदांसाठी पात्र उमेदवारांची निवड करण्यासाठी SSC दरवर्षी राष्ट्रीय स्तरावर एकत्रित उच्च माध्यमिक स्तर (CHSL) परीक्षा आयोजित करते. 

SSC CHSL टियर 2 परीक्षेसाठी अर्ज प्रक्रिया 8 एप्रिल 2024 रोजी सुरू झाली. यासाठी अर्ज करण्यासाठी उमेदवारांना 7 मे 2024 पर्यंत मुदत देण्यात आली होती. तर या परीक्षेसाठी शुल्क जमा करण्याची अंतिम तारीख ८ मे होती. 

SSC CHSL टियर 2 परीक्षेचे वेळापत्रक तपासण्यासाठी प्रथम अधिकृत वेबसाइट https://ssc.gov.in/  वर जा. यानंतर तुम्हाला लिंकवर क्लिक करावे लागेल. SSC CHSL टियर 2 परीक्षेचे वेळापत्रक पुढील पानावर उघडेल हा पर्याय निवडा परीक्षेचा तपशील तपासल्यानंतर त्याची प्रिंट काढा.