RTE : इंग्रजी शाळेतील प्रवेशासाठी आले 11 हजाराहून अधिक अर्ज; तुम्ही अर्ज भरला का ? 

एज्युवार्ता न्यूज नेटवर्क 

RTE 2024-25: शिक्षण विभागातर्फे (Department of Education) मुंबई उच्च न्यायालयाच्या आदेशानंतर सुधारित आरटीई प्रवेश प्रक्रिया (rte admission process)शुक्रवारपासून सुरू करण्यात आली असून अवघ्या काही तासात 11 हजारांहून अधिक अर्ज जमा झाले आहेत.त्यात पुण्यातून सर्वाधिक सुमारे 2, 600  हजार अर्ज प्राप्त झाले आहेत. आरटीई ऑनालाईन प्रवेश अर्ज (RTE Online Admission Application)भरण्याचा पहिलाच दिवस असला तरी पालक मोठ्या संख्येने अर्ज भरत असल्याचे दिसून येत आहे.शिक्षण विभागाने आरटीई प्रवेश अर्ज भरण्यास येत्या 31 मे पर्यंत करण्यास मुदत दिली आहे.

शिक्षण विभागाच्या https://student.maharashtra.gov.in/adm_portal/Users/rte_index_new या संकेतस्थळावरून आरटीई प्रवेशाचा अर्ज भरण्यासाठी उपलब्ध करून देण्यात आला आहे.तसेच प्रवेशासाठी आवश्यक कागदपत्रांची माहिती दिली आहे.शुक्रवारी सकाळी आरटीई प्रवेश अर्ज भरण्यास सुरूवात झाली आणि अवघ्या काही तासात 11 हजारांहून अधिक पालकांनी आपल्या पाल्यांचे ऑनलाईन अर्ज भरले. राज्यातील 9 हजार 139  इंग्रजी माध्यमाच्या शाळांमधील 1 लाख 2 हजार 436 जागांवर प्रवेश प्रक्रिया राबवली जात आहे.

शिक्षण विभागाच्या संकेतस्थळावर शाळांची संख्या, उपलब्ध जागा आणि अर्ज केलेल्या विद्यार्थ्यांची संख्या देण्यात आली आहे.त्यानुसार शुक्रवारी दुपारी 4 वाजेपर्यंत 11 हजार 438  विद्यार्थ्यांचे अर्ज जमा झाले होते. पालकांचा कल इंग्रजी माध्यमाच्या शाळांकडे असल्याने या वर्षी सुध्दा सुमारे  तीन ते चार लाख पालक आरटीई प्रवेशासाठी अर्ज करतील,अशी शक्यता व्यक्त केली जात आहे.
------------------------------------
आरटीई प्रवेशासाठी अर्ज केलेल्या विद्यार्थ्यांची संख्या 

शैक्षणिक वर्ष    प्रवेश क्षमता   झालेले प्रवेश  रिक्त जागा 
2020-21        1,15,640         86,945    28,695 
2021-22        1,03,242         72,160    31,082 
2022-23        1,01,906          78,744   23,162 
2023-24        1,01,846         82,763    19,083                                                                                                                                                2024-25        1,02,436         प्रवेश प्रक्रिया सुरू 

--------------------------------------------------------