जिल्हा परिषदेकडून शाळेतील मुलांसाठी 'सायकल बँक' उपक्रम

एज्युवार्ता न्यूज नेटवर्क

शिक्षण ही केवळ पुस्तकी गोष्ट नाही, तर ती आत्मनिर्भरतेकडे नेणारी पहिली पायरी असते. ग्रामीण भागातील एका चिमुकल्या मुलीच्या (Activities for school girls) डोळ्यांतली स्वप्नं शाळेच्या पायरीशी जोडलेली असतात. पण ती शाळा जर त्यांच्या घरापासून २-३ किलोमीटरवर असेल आणि शाळेत जाण्या-येण्यासाठी कोणतंही साधन उपलब्ध नसेल, तर ती वाट किती कठीण होते आणि या विद्यार्थ्यांचे शिक्षण कधी मागे पडते, हे कळतही नाही. याच गोष्टीची उणीव भरुण काढण्यासाठी पुणे जिल्हा परिषदेकडून (Pune Zilla Parishad) जिल्हा परिषदेच्या शाळेत (Zilla Parishad schools) मुलींसाठी "सायकल बँक" हा उपक्रम (Bicycle Bank initiative) राबवला जाणार आहे.

या उपक्रमाअंतर्गत शाळांमध्ये एक सायकल बँक तयार केली जाणार आहे. त्या माध्यमातून ५वी ते ८वीच्या मुलींना शाळेपर्यंत जाण्यासाठी सायकल उपलब्ध करून दिली जाणार आहे. या सायकली मुलींना वर्षभर शाळेत ये-जा करण्यासाठी वापरल्या जाणार आहेत. त्यांचे जिल्हा परिषद शाळेमधील शिक्षण पूर्ण झाल्यानंतर त्या पुढील वर्षी पुन्हा नव्या गरजू मुलींसाठी वापरल्या जाणार आहेत. या सायकलमुळे दररोजचा प्रवास सुकर होईल, हजेरीत वाढ होईल व मुलींचे शिकणं सोपं होईल, सर्वात महत्त्वाचं म्हणजे मुलींचं शिक्षण पूर्ण होईल,हा या मगचा उद्देश आहे.

पालक, शिक्षक, तरुण मंडळ, समाजसेवक, उद्योगपती, शासकीय अधिकारी व कर्मचारी, स्वयंसेवी संस्था सगळ्यांनी मिळून जर एक-एक सायकल दिली, तर शेकडो मुलींच्या पंखांना उंच भरारी घेता येईल. ती सायकल त्यांचं शिक्षण थांबवणारं अंतर संपवेल आणि एक नवं भविष्य सुरू करेल. गावातील दानशूर व्यक्तींनी सायकल गावातील जिल्हा परिषद शाळेत १५ ऑगस्टच्या स्वतंत्र दिनाच्या कार्यक्रमात द्यावेत व इतर व्यक्तींनी व संस्थांनी १५ ऑगस्ट पर्यंत सायकली देण्याचे आवाहन करण्यात आले आहे.