प्रियदर्शनी पुणे पोलीस पब्लिक स्कूलच्या विद्यार्थ्यांचा नृत्याविष्कार; आईनेही घेतला सहभाग

एज्युवार्ता न्यूज नेटवर्क

आमच्या पप्पाने गणपती आणला..., माँ मेरी माँ...,पापा केहते हैं बडा नाम करेगा...,छोटा बच्चा जन के कोई ना आँखे दाखना रे...फुलो का तारो का सबका केहना हैं...,इत्तीसी हसी इत्तीसी खुशी.., घोडे जैसे चाल हाथी जैसी दुम...एक दुसरे से करते हैं प्यार हम... यांसह अनेक गीतांवर विलोभनीय नृत्याविष्कार (dance invention) सादर करून प्रियदर्शनी पुणे पोलीस पब्लिक स्कूलच्या (Priyadarshani Pune Police Public School) विद्यार्थ्यांनी उपस्थित पालक व प्रेक्षकांची मने जिंकली. आपल्या पाल्यांनी सादर केलेले नृत्य पाहून आई- वडील, आजी- आजोबा यांनी टाळ्यांचा कडकडाट करून उत्स्फूर्तपणे दाद दिली.

शिवाजीनगर येथील प्रियदर्शनी पुणे पोलीस पब्लिक स्कूलतर्फे आयोजित ALCHEMY स्वस्ति: 2025 या कार्यक्रमात शाळेच्या पूर्व प्राथमिक व प्राथमिक वर्गाच्या विद्यार्थ्यांनी विविध नृत्याविष्कार सादर केले. 'ALCHEMY स्वस्ति: 2025' या कार्यक्रमाचे उद्घाटन प्रियदर्शनी स्कूलचे व्यवस्थापकीय विश्वस्त नरेंद्र सिंह, महेंद्र सिंह, पूजा सिंह यांच्या हस्ते करण्यात आले. यावेळी शाळेच्या मुख्याध्यापिका अर्पिता दीक्षित, प्रियदर्शनी इंदायणी नगर स्कूलच्या मुख्याध्यापिका डॉ.गायत्री जाधव आदी उपस्थित होते. प्रियदर्शनी स्कूलचे व्यवस्थापकीय विश्वस्त डॉ. राजेंद्र सिंह यांच्या मार्गदर्शनाखाली सर्व शिक्षक व शिक्षकेतर कर्मचाऱ्यांनी कार्यक्रमाचे यशस्वी आयोजन केले.  

दरम्यान, केवळ विद्यार्थ्यांनीच नाही तर, त्यांच्या आईनेही यामध्ये सहभाग घेतला होता. हा अनुभव आमच्यासाठी कायम लक्षात राहण्यासारखा आहे, आम्हाला आमच्या मुलांसोबत नृत्य करून बालपणीचे दिवस आठवले त्याचबरोबर, आई कायम व्यस्त असते त्यातून मुलांसाठी आम्हाला वेळ देता आला अशा विविध प्रतिक्रिया देखील विद्यार्थ्यांच्या आईने यावेळी दिल्या.