ICAI CA जानेवारी सत्राचा निकाल जाहीर! दीपांशी अग्रवाल ठरली AIR रॅंक 1
सीए फाउंडेशन आणि इंटरमिजिएट परीक्षेचे निकाल जाहीर झाले आहेत. निकाल तपासण्यासाठी, उमेदवारांना त्यांचा नोंदणी क्रमांक आणि जन्मतारखेच्या मदतीने ICAI च्या अधिकृत वेबसाइट icai.org आणि icai.nic.in वर लॉग इन करावे लागेल.
eduvarta@gmail.com 
एज्युवार्ता न्यूज नेटवर्क
इन्स्टिट्यूट ऑफ चार्टर्ड अकाउंटंट्स ऑफ इंडियाने (Institute of Chartered Accountants of India) ICAI आज, ४ मार्च २०२५ रोजी जानेवारी २०२५ मध्ये झालेल्या सीए फाउंडेशन आणि इंटरमिजिएट परीक्षेचे निकाल जाहीर केले आहेत. (CA Foundation and Intermediate exam results have been declared) या परीक्षेला बसलेले उमेदवार आता त्यांचे निकाल पाहू शकतात. निकाल तपासण्यासाठी, उमेदवारांना त्यांचा नोंदणी क्रमांक आणि जन्मतारखेच्या मदतीने ICAI च्या अधिकृत वेबसाइट icai.org आणि icai.nic.in वर लॉग इन करावे लागेल.
निकाल जाहीर होण्यासोबतच टॉपर्सची यादीही जाहीर करण्यात आली आहे. त्यानुसार, हैदराबादच्या दीपांशी अग्रवालने इंटरमिजिएट परीक्षेत अव्वल क्रमांक पटकावला आहे. दीपांशीने ६०० पैकी ५२१ गुण मिळवले आहेत. तिच्या पाठोपाठ, हैदराबाद च्या थोटा सोमनाध शेषाद्री नायडू या विद्यार्थ्याने ५१६ गुण मिळवत दूसरा क्रमांक पटकावला आहे. हाथरस येथील सार्थक अग्रवाल या विद्यार्थ्याने 515 गुण मिळवत तिसरा क्रमांक पटकावला आहे.
सीए इंटरमिजिएट परीक्षेत एकूण उत्तीर्णतेची टक्केवारी १४.०५%
* गट १ मधील एकूण १,०८,१८७ उमेदवारांपैकी १५,३३२ उमेदवार उत्तीर्ण झाले आहेत. उत्तीर्णतेचे प्रमाण १४.१७% होते.
* गट २ मधील एकूण ८०,३६८ उमेदवारांपैकी १७,८१३ उमेदवार उत्तीर्ण झाले आहेत. उत्तीर्णतेचे प्रमाण २२.१६% होते.
* दोन्ही गटांमधील एकूण ४८,२६१ उमेदवारांपैकी ६,७८१ उमेदवार उत्तीर्ण झाले आहेत. उत्तीर्णतेचे प्रमाण १४.०५% आहे.
आयसीएआय सीए इंटरमिजिएट अभ्यासक्रमाच्या ग्रुप 1 साठीच्या परीक्षा ११, १३ आणि १५ जानेवारी रोजी घेण्यात आल्या होत्या, तर ग्रुप २ च्या परीक्षा १७, १९ आणि २१ जानेवारी २०२५ रोजी घेण्यात आल्या होत्या. सर्व इंटरमिजिएट परीक्षा संबंधित तारखांना दुपारी २ ते सायंकाळी ५ वाजेपर्यंत घेण्यात आल्या होत्या.
तसेच सीए फाउंडेशन अभ्यासक्रमाची परीक्षा १२, १६, १८ आणि २० जानेवारी २०२५ रोजी घेण्यात आली. या परीक्षेत, पेपर १ आणि २ दुपारी २ ते ५ वाजेपर्यंत घेण्यात आले, तर पेपर ३ आणि ४ दुपारी २ ते ४ वाजेपर्यंत घेण्यात आले होते.
निकाल कसा पहाल ?
* सर्वप्रथम अधिकृत वेबसाइट icai.nic.in वर जा.
* होमपेजवर दिलेल्या “ICAI CA जानेवारी २०२५ निकाल” या लिंकवर क्लिक करा.
* आता लॉग इन करण्यासाठी तुमचा नोंदणी क्रमांक आणि रोल नंबर प्रविष्ट करा.
* सर्व माहिती सबमिट करा, त्यानंतर तुमचा सीए जानेवारी २०२५ परीक्षेचा निकाल स्क्रीनवर दिसेल.
* तुमचा निकाल डाउनलोड करा आणि भविष्यातील संदर्भासाठी त्याची प्रिंट घ्या.
