सीए फाउंडेशन आणि इंटरमिजिएट परीक्षांचे वेळापत्रक जाहीर
केंद्र सरकार किंवा कोणत्याही राज्य सरकार/स्थानिक संस्थेने परीक्षेच्या कोणत्याही दिवशी सार्वजनिक सुट्टी जाहीर केल्यास परीक्षेच्या वेळापत्रकात कोणताही बदल होणार नाही.
eduvarta@gmail.com 
एज्युवार्ता न्यूज नेटवर्क
इन्स्टिट्यूट ऑफ चार्टर्ड अकाउंटंट्सने (Institute of Chartered Accountants) जानेवारी 2025 सत्रासाठी सीए फाउंडेशन आणि इंटरमिजिएट परीक्षांचे (CA Foundation and Intermediate Exams) वेळापत्रक (Timetable) जाहीर केले आहे. जाहीर केलेल्या वेळापत्रकानुसार, सीए फाउंडेशनची परीक्षा १२ जानेवारीपासून सुरू होतील आणि इंटरमिजिएट परीक्षा ११ जानेवारी २०२५ पासून सुरू होतील. या परीक्षेला बसण्यास इच्छुक असलेले सर्व उमेदवार (candidates) अधिकृत वेबसाइट icai.org ला भेट देऊ शकतात.
अधिसूचनेनुसार, सीए फाउंडेशन जानेवारी 2025 ची परीक्षा 12, 14, 16 आणि 18 जानेवारी 2025 रोजी घेतली जाईल. तसेच सीए इंटरमीडिएट जानेवारी 2025 गट-1 परीक्षा 11, 13 आणि 15 जानेवारी रोजी घेण्यात येणार आहे. सीए इंटरमिजिएट ग्रुप-2 ची परीक्षा 17, 19 आणि 21 जानेवारी रोजी होणार आहे.
संस्थेने म्हटले आहे की, "केंद्र सरकार किंवा कोणत्याही राज्य सरकार/स्थानिक संस्थेने परीक्षेच्या कोणत्याही दिवशी सार्वजनिक सुट्टी जाहीर केल्यास परीक्षेच्या वेळापत्रकात कोणताही बदल होणार नाही." (There will be no change in the examination schedule if the Central Government or any State Government/Local body declares a public holiday on any day of the examination.")
