ऑइल अँड नॅचरल गॅस कॉर्पोरेशन: अप्रेंटिस पदासाठी भरती सुरू

या पदांसाठी अर्ज करू इच्छिणारे सर्व उमेदवार अधिकृत वेबसाइट ongcindia.com वर जाऊन अर्ज करू शकतात. या भरतीसाठी अर्ज करण्याची अंतिम तारीख 25 ऑक्टोबर 2024 आहे.

Oct 6, 2024 - 17:00 Updated: Oct 6, 2024 - 20:12

ऑइल अँड नॅचरल गॅस कॉर्पोरेशन: अप्रेंटिस पदासाठी भरती सुरू

एज्युवार्ता न्यूज नेटवर्क

नोकरीच्या शोधात असलेल्या उमेदवारांसाठी एक चांगली बातमी आहे. ऑइल अँड नॅचरल गॅस कॉर्पोरेशन लिमिटेडने ( Oil and Natural Gas Corporation Limited) ONGC ने शिकाऊ पदांच्या (Apprentice) भरतीसाठी (Recruitment) अर्ज मागवले आहेत. या पदांसाठी अर्ज करू इच्छिणारे सर्व उमेदवार अधिकृत वेबसाइट ongcindia.com वर जाऊन अर्ज करू शकतात. या भरतीसाठी अर्ज करण्याची अंतिम तारीख 25 ऑक्टोबर 2024 आहे. या भरती मोहिमेद्वारे एकूण 2 हजार 237 पदांची भरती केली जाणार आहे.

जाहिरातीत नमूद केलेल्या पात्रता परीक्षेत मिळालेल्या गुणांच्या आधारे उमेदवारांची निवड केली जाईल. गुणांची संख्या समान असल्यास, अधिक वय असलेल्या व्यक्तीचा विचार केला जाईल. मूळ कागदपत्रांची पडताळणी केल्यानंतर अंतिम निर्णय घेतला जाईल.

अप्रेंटिस श्रेणी नुसार स्टायपेंड निश्चित करण्यात आले आहे. यामध्ये ग्रॅज्युएट अप्रेंटिस साठी 9000 रुपये प्रति महिना, तीन वर्षांचा डिप्लोमा असलेल्या उमेदवारांसाठी 8050 रुपये प्रति महिना, ट्रेड अप्रेंटिस (10वी/12वी पास) असलेल्या उमेदवारांसाठी 7000 रुपये प्रति महिना तर ट्रेड अप्रेंटिस (आयटीआय 1 वर्ष कालावधी) उमेदवारांना 7700 रुपये प्रति महिना, तसेच
ट्रेड अप्रेंटिस (आयटीआय 2 वर्षे कालावधी) असलेल्या उमेदवारांसाठी 8050 रुपये प्रति महिना स्टायपेंड देण्यात येणार आहे.

या भरतीसाठी अर्ज करण्यासाठी, उमेदवाराची वयोमर्यादा २५.१०.२०२४ रोजी १८ ते २४ वर्षांच्या दरम्यान असली पाहिजे, म्हणजेच उमेदवाराची जन्मतारीख २५.१०.२००० ते २५.१०.२००६ दरम्यान असावी.