द्विलक्षी व्यवसाय अभ्यासक्रमाच्या नवीन संस्था विना अनुदानित तत्वावर मान्यता
द्विलक्षी व्यवसाय अभ्यासक्रमांना मान्यता देण्याकरीता शैक्षणिक संस्थांकडून ऑनलाईन प्रणालीद्वारेव्दारे प्राप्त दस्तावेजांची छाननी करून त्यानुसार आवश्यक मानकांची पुर्तता करीत असलेल्या प्रपत्र-अ मधील ६६ संस्थांच्या एकूण ९१ तुकडयांना सन २०२५-२६ पासून विद्यमान तसेच नवीन संस्थेत नवीन/अधिकच्या तुकड्यांना कायमस्वरुपी विनाअनुदानित तत्वावर व्यवसाय अभ्यासक्रम सुरू करण्यास मान्यता देण्यात येत आहे.
eduvarta@gmail.com 
एज्युवार्ता न्यूज नेटवर्क
सन २०२५-२६ या शैक्षणिक (Academic year 2025-2026) वर्षापासून +२ स्तरावरील द्विलक्षी व्यवसाय अभ्यासक्रमाच्या (Dual-purpose business course) नवीन संस्था व अधिकच्या तुकड्यांना कायमस्वरुपी विना-अनुदानित तत्त्वावर व्यवसाय अभ्यासक्रम सुरू (Business courses start) करण्यास सरकारच्या कौशल्य, रोजगार, उद्योजकता व नाविन्यात विभागाने शासन निर्णय प्रसिद्ध केला आहे. त्यामुळे राज्यातील संस्थाचालकांना या फायदा घेता येणार आहे आणि विद्यार्थ्यांच्या कौशल्य विकासात अधिकची भर पडण्याची शक्यता वर्तवण्यात येत आहे.
व्दिलक्षी व्यवसाय अभ्यासक्रम राबविण्यासाठी ज्या संस्थानी /महाविद्यालयांनी नवीन किंवा अधिकच्या तुकड्यांना कायमस्वरूपी विनाअनुदानित तत्वावर व्यवसाय अभ्यासक्रम सुरू करण्यासाठी ऑनलाईन पध्दतीने अर्ज सादर करण्यात आले आहेत, त्यांना त्यासंबंधीचे मान्यतेचे आदेश निर्गमित झाल्यानंतर शैक्षणिक सत्र २०२५-२६ पासून सदर अभ्यासक्रम राबविता येतील, असे नमूद करण्यात आले आहे. +२ स्तरावरील व्दिलक्षी व्यवसाय अभ्यासक्रमाच्या नवीन संस्था व अधिकच्या तुकड्याकरीता निरीक्षण समिती मार्फत प्राप्त झालेल्या अर्जाची संचालक, व्यवसाय शिक्षण व प्रशिक्षण संचालनालय, मुंबई यांच्या स्तरावर छाननी करून संचालनालयाकडून योग्य त्या शिफारशीसह सन २०२५-२६ पासून २ स्तरावरील व्दिलक्षी व्यवसाय अभ्यासक्रमाच्या नवीन संस्था व अधिकच्या तुकड्यांना कायमस्वरुपी विनाअनुदानित तत्वावर व्यवसाय अभ्यासक्रम सुरू करण्यास मान्यता देण्याची बाब शासनाच्या विचाराधीन होती. त्यानुसार ही मान्यता देण्यात आली आहे.
द्विलक्षी व्यवसाय अभ्यासक्रमांना मान्यता देण्याकरीता शैक्षणिक संस्थांकडून ऑनलाईन प्रणालीद्वारेव्दारे प्राप्त दस्तावेजांची छाननी करून त्यानुसार आवश्यक मानकांची पुर्तता करीत असलेल्या प्रपत्र-अ मधील ६६ संस्थांच्या एकूण ९१ तुकडयांना सन २०२५-२६ पासून विद्यमान तसेच नवीन संस्थेत नवीन/अधिकच्या तुकड्यांना कायमस्वरुपी विनाअनुदानित तत्वावर व्यवसाय अभ्यासक्रम सुरू करण्यास मान्यता देण्यात येत आहे. तसेच प्रपत्र- ब मधील ७१ संस्थांच्या एकूण १०६ तुकड्यांना त्रुटींची पूर्तता करण्याच्या अधीन राहून सन २०२५-२६ पासून २ स्तरावरील व्दिलक्षी व्यवसाय अभ्यासक्रमाच्या विद्यमान तसेच नवीन /अधिकच्या तुकड्यांना कायमस्वरुपी विनाअनुदानित तत्वावर व्यवसाय अभ्यासक्रम सुरू करण्यास मान्यता देण्यात येत आहे, असे प्रसिद्ध करण्यात आलेल्या शासन निर्णयात प्रसिद्ध करण्यात आले आहे.
