जेईई अॅडव्हान्स्ड परीक्षेला जाताना 'हा' असावा ड्रेसकोड ;  मार्गदर्शक तत्वे जारी

एज्युवार्ता न्यूज नेटवर्क  

जेईई अॅडव्हान्स्ड परीक्षा (JEE Advanced Exam) १८ मे रोजी देशभरातील विविध शहरांमध्ये होणार आहे. पेपर-१ सकाळी ९:०० ते दुपारी १२:०० वाजेपर्यंत होईल. तर  पेपर-२ परीक्षा (जेईई अॅडव्हान्स्ड २०२५) दुपारी २:३० ते ५:३० वाजेपर्यंत असेल. परीक्षेला जाताना विद्यार्थ्यांनी कोणत्या प्रकारचे कपडे घालावेत, कोणत्या गोष्टी सोबत बाळगाव्यात, कोणत्या गोष्टी टाळ्याव्यात आदी बाबींशी निगडीत मार्गदर्शक तत्त्वे आयआयटी कानपूरने प्रसिद्ध केले आहे. (The guidelines have been released by IIT Kanpur)
  ड्रेस कोड काय असेल?
परीक्षेच्या दिवशी उमेदवारांना मोठी बटणे, लांब बाह्या, ब्रोचेस असलेले कपडे घालू नयेत असा सल्ला देण्यात आला आहे. ताबीज, अंगठ्या, बांगड्या, कानातले, नाकाच्या पिन, हार/साखळ्या, पेंडेंट, टोपी, सनग्लासेस आणि धातूचे सामान घालण्यासही परवानगी नाही. परीक्षेच्या दिवशी उमेदवारांना चप्पल किंवा कमी टाचांचे सँडल घालण्याचा सल्ला देण्यात येतो.

परीक्षेला जाताना घ्यावयाची काळजी 

 * तसेच उमेदवारांनी  प्रवेशपत्राच्या छापील प्रतीसह वैध फोटो ओळखपत्र सोबत ठेवणे बंधनकारक आहे. त्याशिवाय परीक्षा केंद्रावर  प्रवेश दिला जाणार नाही.
* परीक्षा हॉलमध्ये पारदर्शक पाण्याची बाटली, फोटो असलेले ओळखपत्र, प्रवेशपत्र, पारदर्शक पेन आणि पेन्सिल घेऊन जाण्यास परवानगी असेल.
* ब्लूटूथ, इअरफोन, मोबाईल फोन, मायक्रोफोन इत्यादी इलेक्ट्रॉनिक उपकरणांवर बंदी असेल. * कागद किंवा लिहिलेल्या वस्तू, लॉग टेबल, स्केल, खोडरबर, भूमिती बॉक्स, कॅल्क्युलेटर, पेन ड्राइव्ह, पाकीट, हँडबॅग्ज, कॅमेरा, इत्यादी गोष्टींवरही बंदी असेल.
* उमेदवारांना परीक्षा केंद्रावर वेळेवर पोहोचण्याचा सल्ला देण्यात येत आहे. परीक्षा केंद्रे फक्त सकाळी ७:०० वाजता उघडतील. परीक्षा केंद्रावर २ तास आधी पोहोचण्याचा सल्ला दिला जातो.
* दोन्ही पेपर्सची तपासणी महत्त्वाची असेल. * प्रत्येक सत्र पूर्ण झाल्यानंतरच परीक्षा हॉल सोडण्याची परवानगी दिली जाईल.
* परीक्षेदरम्यान कोणत्याही विद्यार्थ्यांशी किंवा कर्मचाऱ्यांशी संपर्क साधण्याचा प्रयत्न करू नका.
कोणत्याही अडचणीच्या बाबतीत, उमेदवार परीक्षकांशी संपर्क साधू शकतात.