प्रतीक्षा संपली : सीईटी सेलकडून 'पीसीबी' ग्रुपचा निकाल जाहीर 

एज्युवार्ता न्यूज नेटवर्क 

राज्य सामायिक प्रवेश परीक्षा (State Common Entrance Test) कक्षामार्फत घेण्यात येणाऱ्या पीसीबी गटाचा निकाल जाहीर (PCB group results announced) करण्यात आला आहे. त्यामुळे मागील जवळपास दीड ते दोन महिन्यांपासून निकालाची वाट पाहणाऱ्या विद्यार्थ्यांची आज अखेर प्रतीक्षा संपली आहे. सोमवारी, १६ जूनला  पीसीएम गटाचा निकाल जाहीर करण्यात आला आहे. त्यानंतर पीसीबी गटाच्या विद्यार्थ्यांची उत्सुकता अधिकच वाढली होती, त्याचा विचार करता आज मंगळवार १७ रोजी पीसीबी गटाचा निकाल (PCB group results on the 17th) www.mahacet.org या संकेतस्थळावर जाहीर करण्यात आला आहे. त्याबाबत राज्य सामायिक प्रवेश परीक्षा कक्षाने विद्यार्थ्यांना माहिती दिली आहे.

महाराष्ट्र औद्योगिक विकास महामंडळ भरती २०२३ परीक्षांचे वेळापत्रक जाहीर

महाराष्ट्र सीईटी सेलने पीसीएम आणि पीसीबी दोन्ही गटांसाठी एमएचटी सीईटी २०२५ चा निकाल जाहीर केला आहे. उमेदवार लिंकचा वापर करून त्यांचे एमएचटी सीईटी निकाल २०२५ चा स्कोअरकार्ड पीसीएम आणि पीसीबी तपासू शकतात. तसेच उमेदवारांना mahacet.org आणि mahacet.in या वेबसाइटवर उपलब्ध असलेल्या एमएचटी सीईटी निकाल लिंकचा वापर करून त्यांचे स्कोअरकार्ड देखील डाउनलोड करता येतील. 

निकाल तपासण्यासाठी आणि एमएचटी सीईटी निकाल स्कोअरकार्ड डाउनलोड करण्यासाठी उमेदवारांना त्यांचा नोंदणीकृत ईमेल आयडी आणि पासवर्ड वापरावा लागेल. एमएचटी सीईटी २०२५ च्या निकालात एकूण पर्सेंटाइल स्कोअर तसेच भौतिकशास्त्र, रसायनशास्त्र आणि गणित/जीवशास्त्रातील विषयवार गुणांचा उल्लेख आहे. पीसीएम गटासाठी एमएचटी सीईटी २०२५ टॉपर्सची यादी जाहीर करण्यात आली आहे. त्यानुसार एकूण २२ उमेदवारांनी १०० पर्सेंटाइल गुण मिळवले आहेत.