मेडिकल कॉलेजच्या सुरक्षेबाबत NMC कडून नवीन मार्गदर्शक तत्वे जाहीर 

एज्युवार्ता न्युज नेटवर्क 

कोलकाता (Kolkata) येथील आरजी कार मेडिकल कॉलेज आणि हॉस्पिटलमध्ये (RG Kar Medical College and Hospital) एका ज्युनियर डॉक्टरवर झालेल्या बलात्कार आणि हत्येनंतर देशभरात संतापाची लाट उसळली आहे. डॉक्टर संपावर (doctors strike) गेले आहेत. त्या पार्श्वभूमीवर आता राष्ट्रीय वैद्यकीय आयोगाने (NMC) सर्व वैद्यकीय महाविद्यालये (medical colleges) आणि संस्थांबाबत (institutions) नवीन मार्गदर्शक तत्वे (New Guidelines) जाहीर केली आहेत. 

NMC ने आपल्या निवेदनात म्हटले आहे की, "सर्व वैद्यकीय महाविद्यालये आणि संस्थांमध्ये डॉक्टरांसाठी सुरक्षित कार्यक्षेत्र विकसित केले जावे. सर्व वैद्यकीय महाविद्यालयांनी वैद्यकीय कर्मचारी, प्राध्यापक आणि वैद्यकीय विद्यार्थी तसेच निवासी डॉक्टर रुग्णालय आणि महाविद्यालय परिसरात सुरक्षित वातावरणात काम करू शकतील याची खात्री करावी. याशिवाय ओपीडी, वॉर्ड, अपघातग्रस्त, वसतिगृह आणि इतर खुल्या भागात सुरक्षा वाढवण्यासाठी पुरेशी पावले उचलावीत."

MNC च्या ॲडव्हायझरीमध्ये कॉलेज आणि हॉस्पिटलमध्ये सीसीटीव्ही कव्हरेज वाढवण्याच्या सूचना देण्यात आल्या आहेत. संध्याकाळी कॉलेज कॅम्पस आणि कॉरिडॉरमध्ये प्रकाशाची पूर्ण व्यवस्था करण्यात यावी. याशिवाय कोणत्याही प्रकारच्या हिंसाचाराच्या घटनांवर तातडीने कारवाई करण्याच्या सूचनाही देण्यात आल्या आहेत. वैद्यकीय महाविद्यालय किंवा रुग्णालयात कोणी बाहेरील व्यक्ती दिसल्यास त्याची माहिती तातडीने सुरक्षा रक्षक आणि महाविद्यालय प्रशासनाला द्यावी.तसेच हिंसाचाराच्या घटनांबाबत राष्ट्रीय वैद्यकीय आयोगाच्या मार्गदर्शक तत्त्वांमध्ये असे म्हटले आहे की, हिंसाचाराच्या घटनेवर केलेल्या कारवाईचा तपशीलवार अहवाल राष्ट्रीय वैद्यकीय आयोगाला (NMC) 48 तासांच्या आत पाठवणे बंधनकारक असेल.