नगरपरिषद भरतीचे कागदपत्र पडताळणी वेळापत्रक व यादी जाहीर

नगरपरिषद भरतीचे कागदपत्र पडताळणी वेळापत्रक व यादी जाहीरएज्युवार्त न्यूज नेटवर्क 

महाराष्ट नगरपरिषद राज्यसेवा गट-क परीक्षा २०२३ (Municipal Council State Service Group-C Exam 2023 Cadre wise) संवर्गनिहाय व श्रेणीनिहाय भाग-२ मधील सामाजिक व समांतर आरक्षणनिहाय गुणानुक्रमे  निवडसुचीतील उमेदवारांसाठी कागदपत्र पडताळणीचे वेळापत्रक प्रसिद्ध करण्यात आहे. उमेदवारांना प्राप्त झालेले गुण नगरपरिषद प्रशासन संचालनालयाने यापुर्वीच प्रसिद्ध केले आहेत. त्यानंतर आता निवडसुचीत नाव असलेल्या उमेदवारांना कागदपत्र पडताळणीसाठी (For document verification) बोलावण्यात आले आहे. त्यासंबंधीत सविस्तर वेळापत्रक प्रसिद्ध (Schedule released) करण्यात आले आहे. 

महाराष्ट्र नगरपरिषद राज्यसेवा गट-क परीक्षा २०२३ साठी राज्यातील विविध परीक्षा केंद्रावर २५ ऑक्टोबर ते २४ नोव्हेंबर २०२३ या कालावधीत ऑनलाईन परीक्षा घेण्यात आली. सदर परीक्षेत उमेदवारांना संवर्गनिहाय प्राप्त झालेले गुण नगरपरिषद प्रशासन संचालनालयाच्या https://mahadma.maharashtra.gov.in या संकेतस्थळावर १५ मार्च २०२४ रोजी प्रसिध्द करण्यात आले. या भरतीच्या पुढील टप्याचे परिपत्रक १५ जुलै २०२४ रोजी प्रकाशित झाले. त्यानुसार पात्र उमेदवारांना कागदपत्र पडताळणीसाठी बोलण्यात आले आहे. 

विविध पदांसाठी उमेदवारांना वेगवेगळ्या तारखेला बोलावण्यात आले आहे. कर निर्धारण व प्रशासकीय अधिकारी गट-क (श्रेणी क) या उमेदवारांना दि. २२ आणि २३ जुलै रोजी बोलवण्यात आले आहे. तर नगरपरिषद पाणीपुरवठा, जलनिः सारण स्वच्छता अभियांत्रिकी सेवा गट-क यांना २३ जुलै, नगरपरिषद अभियांत्रिकी सेवा - स्थापत्य, गट-क  २४ जुलै, लेखापाल/ लेखापरीक्षक, गट-क २५ जुलै, अभियांत्रिकी सेवा - विद्युत, गट-क २६ जुलै, स्वच्छता निरीक्षक, गट क २६ जुलै रोजी बोलावण्यात आले आहे. 

यासाठी उमेदवारांना एस. एस. सी प्रमाणपत्र,  पदास आवश्यक असलेले शैक्षणिक अर्हतेची पूर्तता करीत असलेबाबत तसेच आवश्यक अर्हतेपेक्षा जास्त शैक्षणिक अर्हता असल्यास त्याबाबत गुणपत्रिका व प्रमाणपत्रे, वयाचे पुराव्याबाबत सक्षम प्राधिकरणाने निर्गमित केलेला जन्म दाखला, शाळा सोडल्याचा दाखला, उमेदवार मागास प्रवर्गातील असल्यास संबंधित जात प्रमाणपत्र,अनुसुचित जमाती प्रवर्गातून निवड झालेल्या उमेदवाराचे जात वैधता प्रमाणपत्र, वैध नॉन-क्रिमीलेअर प्रमाणपत्र, दिव्यांग व्यक्ती प्रमाणपत्र, माजी सैनिक असल्याचे प्रमाणपत्र / युध्दात / सैन्यदलातील सेवेत मृत्यू पावलेल्या किंवा अपंग झाल्याबाबतचे प्रमाणपत्र, क्रीडा प्रमाणपत्र व क्रीडा पडताळणी प्रमाणपत्र, अनाथ प्रमाणपत्र, अंशकालीन पदवीधर / पदवीकाधारक प्रमाणपत्र, भुकंपग्रस्त प्रमाणपत्र, प्रकल्पग्रस्त प्रमाणपत्र, उमेदवाराचे नावात बदल असल्यास विवाह नोंदणी दाखला अथवा राजपत्र, महाराष्ट्र राज्याचा अधिवास असल्याबाबत महाराष्ट्रातील जन्म दाखला / डोमिसाईल प्रमाणपत्र, ज्या पदाकरीता अनुभव आवश्यक आहे अथवा अनुभवास प्राधान्य आहे अशा पदाकरीता उमेदवाराने अनुभव नमूद केला असल्यास, नियोक्त्याने दिलेला नियुक्ती आदेश,  या आवश्यक कागदपत्रांची पुर्तता करावी लागणार आहे. 

उमेदवार विहीत शैक्षणिक अर्हता व इतर अर्हता धारक करीत नसल्याचे आढळून आल्यास किंवा अपुर्ण कागदपत्रे सादर केल्यास उमेदवारास निवडीसाठी अपात्र करण्यात येईल अशी सक्त सुचना देण्यात आली आहे.