अविष्कार कार्यक्रमात सहभागी परीक्षार्थीची परीक्षा पुढे ढकलली 

एज्युवार्ता न्यूज नेटवर्क 

अविष्कार-२०२४ या सांस्कृतिक कार्यक्रमांचे आयोजन (Organizing cultural programs like Aviskhaar-2024) दि. १४ व १५ डिसेंबर रोजी करण्यात आले आहे. मात्र, या कार्यक्रमात सहभागी होणार्‍या परीक्षार्थींची परीक्षा पुढे ढकलण्यात (The exam was postponed) आली आहे. त्याबाबत डॉ. बाबासाहेब आंबेडकर मराठवाडा विद्यापीठाने (Dr. Babasaheb Ambedkar Marathwada University) संलग्न महाविद्यालयांना पत्राद्वारे सूचना दिल्या आहेत.   

अविष्कार-२०२४ या सांस्कृतिक कार्यक्रमामध्ये सहभागी होणार्‍या परीक्षार्थींची शनिवार, दि. १४ डिसेंबर रोजी होणार्‍या विषयांची परीक्षा ही  विनंतीनुसार आगामी काळात आयोजित करण्यात येईल, असे पत्रात नमूद करण्यात आले आहे. सहभागी होणार्‍या स्पर्धकाबाबत संचालक, विद्यार्थी विकास मंडळ, डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर यांनी महाराष्ट्र सार्वजनिक विद्यापीठ अधिनियम, २०१६ चे कलम ५६ (१) (ट) नुसार हा निर्णय घेण्यात आला असल्याचे स्पष्ट केले आहे. 

तसेच जे परीक्षार्थी अविष्कार-२०२४ मध्ये सहभागी होणार नाहीत त्यांची परीक्षा नियोजित वेळापत्रकानुसार घेण्यात येणार असल्याचे विद्यापीठ संलग्न महाविद्यालय संबधित प्राचार्य/संचालक, परीक्षा केंद्र प्रमुख, महाविद्यालय/परिसंस्था, परीक्षार्थी व पालक कळवण्यात येत असल्याचे पत्रात नमूद केले आहे.