परीक्षापूर्व प्रशिक्षण : महाज्योतीच्या चाळणी परीक्षेची मेरीट यादी जाहीर
सदर चाळणी परीक्षांची उत्तरपत्रिका महाज्योतीच्या संकेतस्थळावर १३ मे २०२५ रोजी प्रसिध्द करून विद्यार्थ्यांना उत्तरपत्रिकेतील कोणत्याही प्रश्नांवर आक्षेप असल्यास त्याबाबतचे आक्षेप नोंदविण्याकरिता आक्षेप फलकाची लिंक १४ रोजी २०२५ रोजी सायंकाळी ६:०० वाजे पर्यंत उपलब्ध करून देण्यात आलेली होती.
eduvarta@gmail.com 
एज्युवार्ता न्यूज नेटवर्क
महाज्योती संस्थेमार्फत राबविण्यात येणाऱ्या एमबीए कॅट/सीमॅट सीईटी, यूजीसी नेट/सीएसआयआर/एमएच-सेट, मिलिटरी भरती (MBA CAT/CMAT CET, UGC NET/CSIR/MH-SET, Military Bharti Recruitment) परीक्षापूर्व प्रशिक्षण २०२५-२६ (Pre Exam Training 2025-26) करिता विद्यार्थाची निवड करण्याकरिता परीक्षा घेण्यात आली होती. त्यानंतर आता या चाळणी परीक्षांची मेरीट यादी (Merit list of screening exams announced) व UGC NET/CSIR/MH-SET करिता सुधारित उत्तरपत्रिका महाज्योतीच्या संकेतस्थळावर प्रसिध्द करण्यात आली आहे. ही परीक्षा महाराष्ट्रातील विविध जिल्ह्यातील परीक्षा केंद्रावर ११ मे रोजी २०२५ रोजी घेण्यात आलेली होती.
सदर चाळणी परीक्षांची उत्तरपत्रिका महाज्योतीच्या संकेतस्थळावर १३ मे २०२५ रोजी प्रसिध्द करून विद्यार्थ्यांना उत्तरपत्रिकेतील कोणत्याही प्रश्नांवर आक्षेप असल्यास त्याबाबतचे आक्षेप नोंदविण्याकरिता आक्षेप फलकाची लिंक १४ रोजी २०२५ रोजी सायंकाळी ६:०० वाजे पर्यंत उपलब्ध करून देण्यात आलेली होती. त्यानंतर प्राप्त झालेल्या आक्षेपांचे निराकरण करून UGC NET/CSIR/MH-SET परीक्षापूर्व प्रशिक्षणाकरिता घेण्यात आलेल्या चाळणी परीक्षेची सुधारीत उत्तरपत्रिका महाज्योतीच्या संकेतस्थळावर प्रसिध्द करण्यात आली आहे.
https://eduvarta.com/MPSC-Group-B-exam-results-released
MBA CAT/CMAT CET व Military Bharti च्या उत्तरपत्रिकेकरिता प्राप्त झालेले आक्षेप वैध नसल्यामुळे सदर परीक्षांच्या उत्तरपत्रिकेत कोणत्याही प्रकारचे बदल करण्याची आवश्यकता नसल्याचे महाज्योतीकडून स्पष्ट करण्यात आले आहे. त्यानंतर MBA CAT/CMAT CET, UGC NET/CSIR/MH-SET, Military Bharti परीक्षापूर्व प्रशिक्षण २०२५-२६ करिता विद्यार्थांची निवड करण्याकरिता घेण्यात आलेल्या चाळणी परीक्षांची मेरीट यादी महाज्योतीच्या संकेतस्थळावर प्रसिध्द करण्यात आली आहे.
