'एमपीएससी'कडून विविध पदांसाठी मोठी भरती सुरू; १ ऑस्टपासून करता येणार अर्ज

एज्युवार्ता न्यूज नेटवर्क

महाराष्ट्र लोकसेवा आयोग (Maharashtra Public Service Commission) गट-ब अंतर्गत “ड्रग इंस्पेक्टर” पदांच्या एकूण 109 रिक्त जागा, अधीक्षक आणि तत्सम पदे यांच्या ३६ जागा, राज्य कर निरीक्षक याच्या २८२ जागा आणि सहायक कक्ष अधिकारी याच्या ३ जागा अशा एकूण ४३० जागा (Recruitment for a total of 430 posts) भरण्यासाठी पदांनुसार पात्र असणाऱ्या उमेदवारांकडून अर्ज मागविण्यात येत आहे. अर्ज ऑनलाईन पद्धतीने करायचा आहे. ऑनलाईन अर्ज प्रक्रिया १ ऑगस्टपासून सुरू (Application process starts from August 1) होणार आहे. तसेच, अर्ज करण्याची अंतिम मुदत २१ ऑगस्ट २०२५ पर्यंत असणार आहे.

काॅम्प्युटर इंजिनीअरिंगच्या ४ हजार ५०० जागा वाढल्या; विद्यार्थ्यांना दिलासा..

आयोगाकडून अनेक महिन्यांच्या प्रतीक्षेनंतर मोठ्या पदांसाठी जाहिरात प्रसिद्ध करण्यात आली आहे. त्यामुळे विद्यार्थ्यांना मोठा दिलासा मिळणार आहे. जर तुम्ही स्पर्धा परीक्षेची तयारी करत असाल, तर ही जाहिरात तुमच्यासाठी फार महत्त्वाची ठरणार आहे. महाराष्ट्र गट ब अराजपत्रिक संयुक्त सेवा पूर्व परीक्षा २०२५ ची ही जाहिरात आहे. २८२ पदांसाठी ही जाहिरात असून ९ नोव्हेंबरला परीक्षा होणार आहे.

#capround मधून कोणते इंजिनीरिंग कॉलेज निवडाल? हरीश बुटले यांचे #Percentile नुसार सविस्तर मार्गदर्शन

एमपीएससीकडून अनेक महिन्यांनतर पदभरतीची जाहिरात प्रसिद्ध झाली आहे. यात सहाय्यक कक्ष अधिकारी, राज्य कर निरीक्षक आणि अन्य पदांचा समावेश आहे. त्यामुळे ही जाहिरात फार महत्त्वाची आहे. या परीक्षेचे तीन टप्पे होणार असून त्यानुसार विद्यार्थ्यांना परीक्षा देता येणार आहे. या परीक्षेसाठी १ ऑगस्टपासून अर्ज भरण्याची प्रक्रिया सुरू होणार आहे. उमेदवारांना २१ ऑगस्टपर्यंत अर्ज करता येणार आहे. २१ ऑगस्टपर्यंतच ऑनलाईन पद्धतीने शुल्क भरता येणार आहे.