कोकण रेल्वे भरतीची नोंदणी आजपासून सुरू
या पदांसाठी फक्त गोवा, महाराष्ट्र आणि कर्नाटकातील मूळ रहिवासी अर्ज करू शकतात.
eduvarta@gmail.com 
एज्युवार्ता न्यूज नेटवर्क
कोकण रेल्वे कॉर्पोरेशन लिमिटेडने (Konkan Railway Corporation Limited) नुकतीच अनेक पदांच्या भरतीची (Recruitment) सूचना प्रसिद्ध केली होती. या पदांसाठी नोंदणी (Registration) आजपासून म्हणजेच सोमवार, 16 सप्टेंबरपासून सुरू झाली असून अर्ज भरण्याची अंतिम तारीख ६ ऑक्टोबर असणार आहे. कोकण रेल्वेच्या पदांसाठी अर्ज करणारे इच्छुक उमेदवार (candidates) कोकण रेल्वेच्या https://konkanrailway.com./ या अधिकृत वेबसाइटवरून अर्ज करू शकतात.
या भरती मोहिमेद्वारे, एकूण 190 पदांवर पात्र उमेदवारांची नियुक्ती केली जाणार आहे. वरिष्ठ विभाग अभियंता, तंत्रज्ञ, असिस्टंट लोको पायलट, स्टेशन मास्टर, गुड्स ट्रेन मॅनेजर, कमर्शियल पर्यवेक्षक, ट्रॅक मेंटेनर आणि पॉइंट मॅन (Senior Division Engineer, Technician, Assistant Loco Pilot, Station Master, Goods Train Manager, Commercial Supervisor, Track Maintainer and Point Man) या पदांसाठी भरती होणार आहे. या पदांसाठी फक्त गोवा, महाराष्ट्र आणि कर्नाटकातील (Goa, Maharashtra and Karnataka) मूळ रहिवासी अर्ज करू शकतात.
या पदांसाठी अर्ज करण्यासाठीची शैक्षणिक पात्रता पदानुसार बदलेल. वरिष्ठ विभाग अभियंता इलेक्ट्रिकल या पदासाठी, मेकॅनिकल किंवा इलेक्ट्रिकलमधील पदवीधर उमेदवार अर्ज करू शकतात. त्याचप्रमाणे तंत्रज्ञ पदासाठी संबंधित क्षेत्रातील आयटीआय डिप्लोमा असलेले मॅट्रिक उत्तीर्ण उमेदवार अर्ज करू शकतात. त्याचप्रमाणे, सर्व पदांसाठी अर्ज करण्याची शैक्षणिक पात्रता वेगळी आहे. 18 ते 36 वयोगटातील उमेदवार या रिक्त पदांसाठी अर्ज करू शकतात. 1 ऑगस्ट 2024 पासून वयाची गणना केली जाईल आणि आरक्षित प्रवर्गाला सरकारी नियमांनुसार वयात सवलत मिळेल.
या पदांवरील निवडीसाठी उमेदवारांना प्रथम लेखी परीक्षेला बसावे लागेल. यानंतर रिक्त पदानुसार अॅटीट्यूड चाचणी होईल. त्यानंतर कागदपत्रांची पडताळणी आणि वैद्यकीय तपासणी केली जाईल. काही पदांसाठी शारीरिक कार्यक्षमता चाचणीही द्यावी लागेल. एक टप्पा पार करणारेच पुढच्या टप्प्यात जातील आणि सर्व टप्पे पार केल्यानंतरच अंतिम निवड होईल.
अर्ज करण्यासाठी उमेदवारांना 885 रुपये शुल्क भरावे लागेल. राखीव प्रवर्ग आणि महिला उमेदवारांना देखील शुल्क भरावे लागेल परंतु CBT मध्ये परीक्षा दिल्यास त्यांची संपूर्ण फी परत केली जाईल.
