SSC MTS परीक्षांच्या तारखा जाहीर
SSC ने अधिकृत वेबसाइट ssc.gov.in वर परीक्षेच्या तारखेबाबत अधिसूचना जारी केली आहे.
eduvarta@gmail.com 
एज्युवार्ता न्युज नेटवर्क
स्टाफ सिलेक्शन कमिशन (SSC) द्वारे मल्टी टास्किंग स्टाफ (MTS) आणि हवालदार पदांच्या (Constable Posts) भरतीच्या परीक्षेचे वेळापत्रक (Time Table) जाहीर झाले आहे. SSC द्वारे अधिसूचनेत दिलेल्या माहितीनुसार, मल्टी-टास्किंग (नॉनटेक्निकल) कर्मचारी आणि हवालदार (CBIC आणि CBN) परीक्षा 2024 च्या परीक्षा 30 सप्टेंबर ते 14 नोव्हेंबर 2024 दरम्यान आयोजित केल्या जातील. SSC ने अधिकृत वेबसाइट ssc.gov.in वर परीक्षेच्या तारखेबाबत अधिसूचना जारी केली आहे. या भरतीसाठीची अर्ज प्रक्रिया 27 जून पासून 4 ऑगस्टपर्यंत सुरू होती.
या भरतीद्वारे, एकूण 9 हजार 583 पदांवर SSC द्वारे नियुक्ती केली जाणार आहे. यापैकी मल्टी टास्किंग स्टाफच्या (MTS) 6 हजार 144 पदांवर आणि हवालदाराच्या 3 हजार 439 रिक्त पदांवर भरती केली जाणार आहे.
भरतीसाठी संगणक आधारित चाचणी (CBT) घेतली जाईल. ही परीक्षा दोन टप्प्यात होणार आहे.पेपर एकमध्ये संख्यात्मक आणि गणितीय 20 प्रश्न विचारले जातील. त्यात 20 प्रश्न तर्क क्षमता तपासण्यासाठी दिलेले असतील.तसेच पेपर दोनमध्ये, उमेदवारांना 25 प्रश्न जनरल अवेअरनेस आणि 25 प्रश्न इंग्रजी भाषा आणि आकलनातून विचारले जातील. दोन्ही पेपर सोडवण्यासाठी उमेदवारांना ४५ मिनिटे दिली जाणार आहे.
