आरटीई पहिल्या प्रतीक्षा यादीतून किती प्रवेश; आणखी किती फेऱ्या होणार

एज्युवार्ता न्यूज नेटवर्क 

शालेय शिक्षण विभागातर्फे (Department of School Education)आरटीई प्रवेशाची पहिली प्रतिक्षा यादी (First Waiting List for RTE Admission)जाहीर करण्यात आली असून त्याअंतर्गत 23 हजार 850 विद्यार्थ्यांची प्रवेशासाठी निवड करण्यात आली आहे. आतापर्यंत त्यातील 110 विद्यार्थ्यांचे प्रवेश (Admission of students)निश्चित झाले आहेत. शिक्षण विभागाने प्रवेशासाठी येत्या 26 ऑगस्टपर्यंत मुदत दिली आहे.

शालेय शिक्षण विभागातर्फे आरटीई ऑनलाईन प्रवेश प्रक्रिया राबवली जात असून प्रवेशासाठी अर्ज केलेल्या 2 लाख 42 हजार 516 विद्यार्थ्यांपैकी प्रवेशासाठी निवड झालेल्या नियमत विद्यार्थ्यांमधून 61 हजार 191 विद्यार्थ्यांनी प्रवेश घेतले आहेत. त्यानंतर प्रतीक्षा यादीतील विद्यार्थ्यांची प्रवेश प्रक्रिया सुरू करण्यात आली आहे. शिक्षण विभागाने त्या संदर्भातील परिपत्रक प्रसिद्ध केले होते. त्याअंतर्गत पहिल्या प्रतीक्षा यादीमधून औरंगाबाद जिल्ह्यातील 1 हजार 329, नागपूर जिल्ह्यातील 2 हजार 210, नाशिक जिल्ह्यातील 1 हजार 233, पुणे जिल्ह्यातील 4 हजार 634 ठाणे जिल्ह्यातील, 1 हजार 995 विद्यार्थ्यांची निवड करण्यात आली आहे.

शिक्षण विभागातर्फे पहिल्या प्रतीक्षा यादीतील विद्यार्थ्यांना प्रवेश दिले जात आहेत. सध्या मर्यादित विद्यार्थ्यांची निवड केली असली तरी पुढील काळात आणखी तीन राबवून फेऱ्यांच्या माध्यमातून रिक्त जागांवर प्रवेश दिले जाऊ शकतात.