महाज्योती : जेईई, नीट, एमएचटी-सीईटी प्रशिक्षणासाठी 'या' तारखेपर्यंत मुदतवाढ
सन २०२५-२७ सत्रासाठी १५ मे पासून अर्ज प्रक्रिया सुरू झाली आहे. राज्यभरातून विद्यार्थ्यांचा मोठ्या प्रमाणात प्रतिसाद मिळत आहे. इच्छुक विद्यार्थ्यांना www.mahajyoti.org.in या संकेतस्थळावर किंवा नागपूर येथील महाज्योतीच्या मुख्य कार्यालयात प्रत्यक्ष जाऊन अर्ज करता येतो. विद्यार्थ्यांकडून मिळालेल्या उत्स्फूर्त प्रतिसादामुळे अर्जाची अंतिम मुदत आता २० जूनपर्यंत वाढविण्यात आली आहे.
eduvarta@gmail.com 
एज्युवार्त न्यूज नेटवर्क
महात्मा ज्योतिबा फुले संशोधन व प्रशिक्षण संस्थेकडून (Mahajyoti) जेईई, नीट आणि एमएचटी-सीईटी परीक्षांसाठी (JEE, NEET and MHT-CET exams) मोफत ऑनलाइन प्रशिक्षण (Free online training) सुरू केले आहे. विद्यार्थ्यांचा प्रतिसाद पाहता या प्रशिक्षणासाठी अर्ज करण्याची मुदत २० जूनपर्यंत मुदतवाढ (Application deadline extended until June 20th) देण्यात आली आहे. राज्यातील इतर मागास वर्ग (ओबीसी), विमुक्त जाती-भटक्या जमाती (व्हीजेएनटी) आणि विशेष मागास प्रवर्गातील (एसबीसी) विद्यार्थ्यांना (OBC, VJNT and SBC students) स्पर्धा परीक्षांची तयारी करता यावी म्हणून महाराष्ट्र शासनाच्या महात्मा ज्योतिबा फुले संशोधन व प्रशिक्षण संस्था (महाज्योती), नागपूर यांच्यामार्फत जेईई / नीट आणि एमएचटी-सीईटी परीक्षांसाठी मोफत ऑनलाइन प्रशिक्षण सुरू करण्यात आले आहे.
सन २०२५-२७ सत्रासाठी १५ मे पासून अर्ज प्रक्रिया सुरू झाली आहे. राज्यभरातून विद्यार्थ्यांचा मोठ्या प्रमाणात प्रतिसाद मिळत आहे. इच्छुक विद्यार्थ्यांना www.mahajyoti.org.in या संकेतस्थळावर किंवा नागपूर येथील महाज्योतीच्या मुख्य कार्यालयात प्रत्यक्ष जाऊन अर्ज करता येतो. विद्यार्थ्यांकडून मिळालेल्या उत्स्फूर्त प्रतिसादामुळे अर्जाची अंतिम मुदत आता २० जूनपर्यंत वाढविण्यात आली आहे.
मार्फत दिल्या जाणाऱ्या जेईई/नीट आणि एमएचटी-सीईटी मोफत ऑनलाइन प्रशिक्षण योजनेसाठी अर्ज करणाऱ्या विद्यार्थ्यांना विशिष्ट पात्रता निकष लागू करण्यात आले आहेत. ग्रामीण भागातील विद्यार्थ्यांसाठी इयत्ता १० वीमध्ये किमान ६०% तर शहरी भागातील विद्यार्थ्यांसाठी ७०% गुण आवश्यक असल्याचे 'महाज्योती'चे व्यवस्थापकीय संचालक प्रशांत वावगे यांनी स्पष्ट केले. 'महाज्योती' कार्यालयास उपलब्ध असलेल्या निधीच्या मर्यादेनुसार संचालक मंडळाच्या मान्यतेनुसार, प्राप्त अर्जामधून गुणांच्या आधारे मेरिट लिस्ट तयार करून पात्र विद्यार्थ्यांची निवड केली जाणार आहे.
या योजनेसाठी नवीन अर्ज करण्यास इच्छुक विद्यार्थी तसेच आधीच अर्ज केलेल्या विद्यार्थ्यांना नॉन-क्रिमीलेयर प्रमाणपत्र, बोनाफाइड प्रमाणपत्र आणि इतर आवश्यक कागदपत्रे अपलोड करून अर्जात सुधारणा करण्यासाठी २० जून २०२५ पर्यंत मुदतवाढ देण्यात आली आहे. विद्यार्थ्यांनी www.mahajyoti.org.in या संकेतस्थळावर ऑनलाइन अर्ज करावा किंवा नागपूर येथील केंद्रीय कार्यालयात प्रत्यक्ष हजर राहून अर्ज भरावा. अर्ज प्रक्रियेविषयी अधिक माहितीसाठी ०७१२-२८७०१२०/ १२१ या क्रमांकांवर संपर्क साधण्याचे आवाहनही प्रशांत वावगे यांनी केले आहे
