घे भरारी! डी. वाय. पाटील महाविद्यालयांना NIRF रँकिंग मध्ये राष्ट्रीय स्तरावर मानाचे स्थान
डाॅ. डी. वाय. पाटील इन्स्टिट्युट ऑफ फार्मास्युटिकल सायन्सेस अँड रिसर्च महाविद्यालयास औषधनिर्माण शास्त्र गटात देशात ३६ वे स्थान प्राप्त झाले आहे.
Eduvarta
एज्युवार्ता न्यूज नेटवर्क
केंद्रीय शिक्षण मंत्रालयातर्फे (Government of India Ministry of Education) जाहीर करण्यात आलेल्या नॅशनल इन्स्टिट्यूशनल रँकिंग फ्रेमवर्क २०२४ (NIRF Ranking 2024) मध्ये डॉ. डी. वाय. पाटील महाविद्यालयांना NIRF रैंकिंग मध्ये (Dr. D. Y. Patil College NIRF Ranking) राष्ट्रीय स्तरावर भरारी घेतली आहे. या महाविद्यालयांना देश पातळीवर मानाचे स्थान मिळले आहे. डाॅ. डी. वाय. पाटील इन्स्टिट्युट ऑफ फार्मास्युटिकल सायन्सेस अँड रिसर्च महाविद्यालयास औषधनिर्माण शास्त्र गटात देशात ३६ वे स्थान प्राप्त झाले आहे. तर इन्स्टिट्युट ऑफ टेक्नॉलॉजी या महाविद्यालयास इंजिनिअरींग गटातून १५१ ते २०० या रैंक बॅण्ड मध्ये मानांकन प्राप्त झाले आहे. याशिवाय आर्ट्स, कॉमर्स आणि सायन्स महाविद्यालयास, कॉलेज विभागातून २०१ ते ३०० या रैंक बॅण्ड मध्ये मानांकन प्राप्त झाले आहे.
केंद्रीय शिक्षण मंत्रालयाकडून उच्च शिक्षण देणाऱ्या सर्व शैक्षणिक संस्थांचे मानांकन करण्यात येते. यामध्ये इंजिनिअरींग, औषधंनिर्माणशास्त्र, वैद्यकीय, दंतवैद्य, विद्यापीठे आणि संशोधन क्षेत्रातील शैक्षणिक संस्थांचा समावेश आहे. यामध्ये विद्यार्थी संख्या, त्यांना दिल्या जाणाऱ्या सुविधा, अध्ययन, अध्यापन प्रक्रिया आणि अभ्यासक्रम, अनुभवी व तज्ञ शिक्षक, उच्च दर्जाच्या पायाभूत सुविधा, संशोधन आणि नावीन्यपूर्ण उपक्रम, ग्रॅजुएशन आऊटकम, आऊटरीच अँड इंक्लुसीव्हिटी, पीअर पर्सेप्शन, व्यवस्थापन, स्किल डेवलपमेंट व प्लेसमेंट इ. निकषांवर मुल्यमापन करून एनआयआरएफ मानांकन जाहीर केले जाते.
फार्मसी महाविद्यालय सलग ८ वर्षे देशभरातील ५० महाविद्यालयांमध्ये स्थान पटकाविणारे सावित्रीबाई फुले पुणे विद्यापीठातील एकमेव महाविद्यालय ठरले आहे. यापूर्वी संस्थेच्या फार्मसी, इंजिनिअरींग व ए. सी. एस. या महाविद्यालयांस, नॅक संस्थेतर्फे 'अ' श्रेणी, सावित्रीबाई फुले पुणे विद्यापीठातर्फे उत्कृष्ट महाविद्यालय तसेच राष्ट्रीय व राज्य पातळीवरील विविध पुरस्कार प्राप्त झालेले आहेत.
_______________________________
संस्थेतील सर्व कर्मचार्यांनी दैनंदिन कामामध्ये उत्कृष्टता जोपासल्यामुळे वेगवेगळ्या संस्थांना उच्च दर्जाचे एनआयआरएफ मानांकन मिळाले आहे. संशोधन, पब्लिकेशन याचबरोबर विद्यार्थ्यांना उत्तम दर्जाचे शिक्षण देण्यासाठी केलेल्या प्रयत्नामुळे हे यश प्राप्त झाले आहे. गुणवत्तेच्या बाबतीत फार्मसी महाविद्यालयास एनआयआरएफ मध्ये महाराष्ट्रात चौथे स्थान प्राप्त झाले आहे.
डॉ. सोमनाथ पाटील (सचिव डॉ. डी वाय. पाटील संस्था पुणे)
