लग्नानंतर मुलींच्या कागदपत्रांवर आईचे नाव लिहिण्यावरून गोंधळ, नवा जीअर येणार..
विधानसभा अध्यक्ष राहुल नार्वेकर राज्य सरकारला एक नवीन जीआर काढून स्पष्टता आणावी, असे आदेश दिले. सरकारकडून सकारात्मकता दाखवत त्याबाबत नवीन जीआर काढला जाईल, असे उपमुख्यमंत्री अजित पवारांनी सांगितले.
Eduvarta
एज्युवार्ता न्यूज नेटवर्क
काही महिन्यापूर्वी राज्य सरकारने कागदपत्रांवर आपल्या नावानंतर आधी आईचे नाव (Mother's name mandatory on documents), मग वडिलांचे नाव आणि नंतर आडनाव लिहिण्याचा जीआर काढला. मात्र, लग्नानंतर विवाहित महिलांना कागदपत्रांवर आईचे नाव वापरताना अनेक समस्या येत असल्याचा प्रश्न विधानसभेच्या सभागृहात उपस्थित करण्यात आला. त्यावर विधानसभा अध्यक्ष राहुल नार्वेकर (Assembly Speaker Rahul Narvekar) राज्य सरकारला एक नवीन जीआर काढून (New GR will be issu) स्पष्टता आणावी, असे आदेश दिले. सरकारकडून सकारात्मकता दाखवत त्याबाबत नवीन जीआर काढला जाईल, असे उपमुख्यमंत्री अजित पवारांनी (Deputy Chief Minister Ajit Pawar) सांगितले.
आमदार सना मलिक यांनी लग्नानंतर महिलांना कागदपत्रांवर आईच्या नाव वापरण्याच अडचणी येत आहेत. माझ्या नावानंतर वडिलांचे नाव आणि नंतर आडनाव असे मी पूर्वीपासून लिहित होते. लग्नानंतर माझ्या नावानंतर पतीचे नाव आणि त्यांचे आडनाव असे लिहू लागले. मध्येच आईचे नाव लिहिण्याची पद्धत आली. आता आईचे नाव कुठे लिहावे, हा प्रश्न मला पडला आहे. समजा मी माझ्या नावापुढे आईचे नाव लिहिले तर पुढे कोणाचे नाव आणि आडनाव लिहिणार हा प्रश्न लिहिणार असा मला आणि माझ्यासारख्या लाखो महिलांना प्रश्न निर्माण झाला आहे. नावानंतर पतीचे नाव आणि त्यांचेच आडनाव लिहावे लागते. त्यातून आणखीच गोंधळ होतो. माझी पूर्वीची कागदपत्रे ही माहेरच्या नावाने आहेत.
अनेक शासकीय कार्यक्रमांमध्ये मंत्री, आमदारांच्या नावानंतर त्यांच्या आईचे नाव नमूद केलेले असते. पण, त्याच निमंत्रण पत्रिकेत अधिकाऱ्यांच्या नावासमोर आईचे नाव नसते. नेमका नियम काय आहे आणि तो सगळ्यांसाठी लागू आहे का, याची स्पष्टता असली पाहिजे असा मुद्दा आमदार भास्कर जाधव यांनी मांडला. १ एप्रिल २०२४ नंतर जन्मलेल्या बालकांच्या नावाच्या पुढे आधी त्याचे आणि नंतर आईचे नाव व वडिलांचे नाव आणि आडनाव लिहिले जाईल, असा आदेश सरकारने काढला होता. त्यानंतर लग्न झालेल्या महिलांना कागदपत्रांवर आईचे नाव वापरण्यास अडचणी येत आहेत. त्यानंतर आता स्पष्टता येण्यासाठी नवीन जीआर काढला जाणार असल्याची माहिती अजित पवार यांनी सभागृहात बोलताना दिली.
