आश्रमशाळेचा गोंधळ, वेळापत्रक सकाळी ११ पासून मात्र, पहिली तासिका ९.४५  वाजता

एज्युवार्ता न्यूज नेटवर्क 

नुकताच राज्याचे आदिवासी  विकासमंत्री डॉ. अशोक उईके (Tribal Development Minister Dr. Ashok Uike) यांनी आदिवासी विकास विभागाच्या (Department of Tribal Developme) सर्व शासकीय व अनुदानित आश्रमशाळा (Government and aided ashram school timetable) सकाळी ११ ते ५ या वेळेत भरविण्याची घोषणा केली आहे. घोषणा केल्यानंतर आदिवासी विभागाने निर्णयाची अंमलबजावणी करण्यासाठी शाळांना आदेश पाठवले. परंतु या आदेशासोबत जोडलेल्या वेळापत्रकानुसार आश्रमशाळा सोमवार ते शुक्रवार सकाळी ११ ते ५ या वेळेत भरवायची आहे परंतू तासिका मात्र, ९:४५ सुरु होणार आहेत. त्यामुळे राज्यभरातील आश्रमशाळांमधील वेळापत्रकावरून गोंधळाची (Confusion over the schedule) परिस्थिती निर्माण झाली आहे.

आदिवासी विभागाने ३ फेब्रुवारी रोजी सुधारित वेळापत्रकाचे आदेश निर्गमित करून त्याची तात्काळ अंमलबजावणी करण्याचे निर्देश यंत्रणेला दिले. आदिवासी विभागाच्या राज्यभरात  ९ प्रकल्प असून त्यामध्ये १ हजार ५० आश्रमशाळा आहेत. त्यापैकी ४१७ शासकीय अनुदानित व ५५३ अनुदानित शाळांचा समावेश आहे. त्यामध्ये ४ लाख ५५ हजार विद्यार्थी शिक्षण घेत आहेत.

सिटू संलग्नित आदिवासी विकास आश्रमशाळा शिक्षक व कर्मचारी संघटनेने वेळापत्रकाच्या आदेशातील चूक शासन व वरिष्ठ स्तरावर प्रशासनाच्या लक्षात आणून दिलेली आहे. आश्रमशाळा सकाळी ११ ते सायंकाळी ५ या वेळात भरविण्याचा सुधारित नवा वेळापत्रक काढण्याची मागणी संघटनेने केलेली आहे. आश्रमशाळांवर धडकलेल्या नव्या वेळापत्रकावरून विद्यार्थी, पालक व शिक्षकांमध्ये नाराजीचा सूर व्यक्त केला जात आहे. सध्याचे निर्गमित झालेले वेळापत्रक उलट आश्रमशाळेतील विद्यार्थ्यांच्या गैरसोयीचे असल्याचे मत काही शिक्षक संघटनांनी व्यक्त केले आहे.