इयत्ता बारावीच्या गणिताच्या प्रश्नपत्रिकेत मोठी चूक; बोर्डाने केला खुलासा
इयत्ता बारावीच्या गणिताच्या प्रश्नपत्रिकेवर छापण्यात आलेला क्यूआर कोड हा विद्यार्थ्यांना youtube च्या एका गाण्याच्या लिंकवर घेऊन जात असल्याची धक्कादायक माहिती समोर आली आहे.
eduvarta@gmail.com 
एज्युवार्ता न्यूज नेटवर्क
सीबीएससी बोर्डाचा अजब कारभार समोर आला आहे.इयत्ता बारावीच्या गणिताच्या प्रश्नपत्रिकेवर छापण्यात आलेला QR कोड हा विद्यार्थ्यांना youtube च्या एका गाण्याच्या लिंकवर घेऊन जात असल्याची धक्कादायक माहिती समोर आली आहे. त्यामुळे विद्यार्थी व पालकांमध्ये संभ्रमाचे वातावरण निर्माण झाले. मात्र त्यावर आता सीबीएससी बोर्डाने प्रसिद्धीपत्रक प्रसिद्ध करून खुलासा केला आहे.
सीबीएससी बोर्डाने प्रसिद्ध केलेल्या परिपत्रकानुसार प्रश्नपत्रिकेवर अनेक सुरक्षा विषयक गोष्टी दिल्या जातात त्यामध्ये क्यूआर कोडचा समावेश असतो. सुरक्षा भंग झाल्याची शंका असल्यास प्रश्नपत्रिका ची सत्यता तपासता येते. 9 मार्च 2026 रोजी इयत्ता बारावीची गणित विषयाची परीक्षा घेण्यात आली. काही प्रश्नपत्रिका संचामध्ये असे आढळून आले आहे की दिलेल्या QR कोड पैकी एक स्कॅन केल्यावर तो एका youtube व्हिडिओच्या लिंकवर जात आहे. यामुळे विद्यार्थी व पालकांमध्ये प्रश्नपत्रिकाच्या सत्यतेबाबत चिंता निर्माण झाल्याचे दिसून येत आहे.मात्र सीबीएससी बोर्डाकडून याबाबत खात्री देण्यात आली आहे की सर्व प्रश्नपत्रिका या खाऱ्या आहेत.
प्रश्नपत्रिकांची सुरक्षा कोणत्याही प्रकारे भंग झालेली नाही. प्रश्न पत्रिकांच्या सत्यतेबाबतची चिंता दूर करण्यात आली असली तरी घडलेल्या घटनेकडे सीबीएससी बोर्डाने गांभीर्याने पाहिले आहे. भविष्यात अशा प्रकारच्या समस्या पुन्हा उद्भवू नये, यासाठी आवश्यक ती पावले उचलली जातील, असे सीबीएससी बोर्डाकडून स्पष्ट करण्यात आले आहे.
View this post on Instagram
