खाजगी विधी विद्यापीठांना 'इंडियन', 'भारतीय', 'नॅशनल' हे शब्द वापरता येणार नाही; BCI चा आदेश
BCI ने आपल्या निर्देशत म्हटले आहे की, " 'इंडियन', 'भारतीय', 'नॅशनल' हे शब्द वापरुन स्पर्धेत आणि कार्यक्रमात सहभागी होणार्या लोकांमध्ये संभ्रम निर्माण होऊ शकतो. असे कार्यक्रम राष्ट्रीय महत्त्वाच्या आणि सरकारी संरक्षणाखाली आयोजित केलेल्या आहेत, असा गैरसमज निर्माण होऊ शकतो. याशिवाय, या नावांचा अनधिकृत वापर प्रायोजकत्व मिळविण्यासाठी केला जातो."
eduvarta@gmail.com 
एज्युवार्ता न्यूज नेटवर्क
बार कौन्सिल ऑफ इंडियाने (The Bar Council of India) BCI खाजगी विधी विद्यापीठांना (private law universities) मूट कोर्ट किंवा इतर स्पर्धा (moot court competitions) आयोजित करताना 'भारतीय' (Bhartiy), "भारत" (Bharat) , "राष्ट्रीय" (Rashtriy), 'इंडियन' (Indian), 'इंडिया' (India) नॅशनल (National) इत्यादी उपसर्ग वापरण्यास बंदी घालण्याचे निर्देश प्रसिद्ध केले आहेत (Order to ban the use of prefixes) .
मात्र सूचनांमध्ये स्पष्ट केले आहे की, हे निर्बंध संबंधित सरकारांशी संलग्न असलेल्या नॅशनल लॉ युनिव्हर्सिटी (NLUs) किंवा केंद्र किंवा राज्य विद्यापीठांवर बंधनकारक असणार नाहीत.
BCI ने आपल्या निर्देशत म्हटले आहे की, " 'इंडियन', 'भारतीय', 'नॅशनल' हे शब्द वापरुन स्पर्धेत आणि कार्यक्रमात सहभागी होणार्या लोकांमध्ये संभ्रम निर्माण होऊ शकतो. असे कार्यक्रम राष्ट्रीय महत्त्वाच्या आणि सरकारी संरक्षणाखाली आयोजित केलेले आहेत, असा गैरसमज निर्माण होऊ शकतो. याशिवाय, या नावांचा अनधिकृत वापर प्रायोजकत्व मिळविण्यासाठी केला जातो."
निर्देशामध्ये 'प्रतीक आणि नावे (अयोग्य वापर प्रतिबंध) अधिनियम, 1950' च्या तरतुदींचा उल्लेख करण्यात आला आहे, या अधिनियमानुसार, केंद्र सरकारच्या स्पष्ट परवानगीशिवाय काही नावे आणि शब्द वापरण्यास मनाई आहे, ज्यामध्ये सरकार किंवा राष्ट्रीय संरक्षण दर्शविणारी नावे आणि शब्द देखील समाविष्ट आहेत.
BCI ने स्पष्ट केले आहे की, 'BCI अशा स्पर्धांचे आयोजन करते तेव्हा ते अधिकृत असतात, कारण ती भारतातील कायदेशीर शिक्षणाच्या नियमनासाठी समाविष्ट केलेली वैधानिक संस्था आहे.'
