डॉ.बाबासाहेब आंबेडकर अध्यासनावर सुधाकर बोकेफोडे ; लोकमान्य टिळक अध्यासनावर दिलीप शेठ यांची नियुक्ती
सावित्रीबाई फुले पुणे विद्यापीठाच्या एकूण 19 अध्यासनांपैकी 13 अध्यासनांची पदे रिक्त होती. त्यातील 8 अध्यासनाच्या प्रमुख पदांवर पात्र व्यक्तींची नियुक्ती करण्यात आली आहे.
eduvarta@gmail.com 
एज्यूवार्ता न्यूज नेटवर्क
सावित्रीबाई फुले पुणे विद्यापीठाच्या (Savitribai Phule Pune University)अध्यासनांच्या प्रमुखांच्या नियुक्तीची प्रक्रिया अखेर विद्यापीठाने सुरू केले असून डॉ.बाबासाहेब आंबेडकर अध्यासनाच्या (Dr. Babasaheb Ambedkar Chair )प्रमुखपदी विद्यापीठाचे माजी उपकुलसचिव डॉ.सुधाकर बोकेफोडे (Dr. Bokephode Sudhakar) यांची नियुक्ती करण्यात आली असून बुधवारी त्यांनी पदभार स्वीकारला.तसेच स. प .महाविद्यालयाचे माजी प्राचार्य डॉ.दिलीप शेठ (Dr. Dilip Sheth former principal of s.p. College) यांनी लोकमान्य टिळक अध्यासनाचा (Lokmanya Tilak Chair) तर अशोक विश्वनाथ कांबळे यांनी डी. एस. सावकार अध्यासनाचा पदभार स्वीकारला आहे.
डॉ.सुधाकर बोकेफोडे यांनी महाराष्ट्र शासनाच्या डॉ.बाबासाहेब आंबेडकर सोर्स मटेरियल पब्लिकेशन कमिटीमध्ये सदस्य सचिव म्हणून काम केले आहे. त्यांनी पुणे विद्यापीठाच्या इतिहास विभागात 'पुणे जिल्ह्यातील दलित चळवळ (१९५६ ते २०१०)' या विषयावरील शोध प्रबंध सादर करून पीएचडी प्राप्त केली आहे. सध्या ते पिंपरी येथील 'एएसएम' इन्स्टिट्यूट ऑफ प्रोफेशनल स्टडीज संस्थेचे संचालक म्हणून कार्यरत आहेत. बोकेफोडे यांनी 2016 च्या युनिफॉर्म स्टॅच्यूट फ्रेमिंग समितीमध्ये सदस्य म्हणून काम केले आहे. नॅक असेसर म्हणूनही ते कार्यरत आहेत.त्यांना विद्यापीठाच्या उत्कृष्ट अधिकारी पदाचा पहिला पुरस्कार मिळाला आहे.
सावित्रीबाई फुले पुणे विद्यापीठाच्या एकूण 19 अध्यासनांपैकी 13 अध्यासनांची पदे रिक्त होती. त्यातील 8 अध्यासनाच्या प्रमुख पदांवर पात्र व्यक्तींची नियुक्ती करण्यात आली आहे. विद्यापीतर्फे सध्या संत ज्ञानदेव अध्यासन, संत तुकाराम अध्यासन, संत नामदेव अध्यासन, लोकशाहीर अण्णाभाऊ साठे अभ्यासन आणि पद्मश्री विखे पाटील अध्यासन या अध्यासनांच्या प्रमुख पदासाठी पात्र व्यक्तींची निवड करण्यात आली आहे. परंतु, अद्याप त्यांनी पदभार स्वीकारला नाही.
