पदवीधारकांना नोकरी मोठी संधी,  बँक ऑफ इंडियामध्ये 580 पदांसाठी अर्ज प्रक्रिया सुरू 

एज्युवार्ता न्यूज नेटवर्क

सरकारी नोकरीच्या शोधात असलेल्या आणि पदवीचे शिक्षण पूर्ण केलेल्या उमेदवारांसाठी महत्त्वाची अपडेट समोर आली आहे. बँक ऑफ इंडिया (Bank of India Recruitment) अंतर्गत ऑफिसर्स स्केल IV (मुख्य व्यवस्थापक) आणि अप्रेंटिस पदांसाठी (Chief Manager and Apprentice Position) मोठी भरती जाहीर करण्यात आली आहे. त्यासाठी इच्छुक आणि पात्र उमेदवारांकडून ऑनलाईन पद्धतीने अर्ज मागवण्यात (Application process begins) आले आहेत. भरती प्रक्रियेत सहभागी होण्यास इच्छुक असलेले उमेदवार अधिकृत संकेतस्थळ bankofindia.co.in वर जाऊन अर्ज भरू शकतात. 

बँक ऑफ इंडियाच्या या भरती मोहिमेअंतर्गत ऑफिसर्स स्केल IV (मुख्य व्यवस्थापक) पदासाठी 180 जागा भरल्या जाणार आहेत. त्यासाठी उमेदवारांकडे B.Sc, B.Tech/B.E, M.Sc, M.E/M.Tech किंवा MCA पदवी असणे आवश्यक आहे. तसेच या पदासाठी अर्ज करणाऱ्या उमेदवाराचे वय 23 ते 40 वर्षे या दरम्यान असणे आवश्यक आहे. यासाठी एससी/ एसटी/ अपंग उमेदवरांना 175 रुपये परीक्षा शुल्क आकरण्यात आलेला आहे. तर सर्वसाधारण व इतर उमेदवारांसाठी 850 रुपये परीक्षा शुल्क आहे. या पदासाठी अर्ज करण्याची अंतिम तारीख 23 मार्च 2025 आहे. 

तसेच अप्रेंटिस पदांच्या 400 रिक्त जागांसाठी अर्ज मागवण्यात येत असून उमेदवाराने मान्यताप्राप्त विद्यापीठातून पदवी घेतलेली असणे आवश्यक आहे. त्यासाठी 20 ते 28 वर्षे दरम्यान वयोमर्यादा  असावी. तसेच अपंग उमेदवरांना 400 रुपये, एससी/ एसटी महिला उमेदवारांना 600 रुपये तर सर्वसाधारण आणि इतर सर्व प्रवर्गातील उमेदवारांना 800 रुपये परीक्षा शुल्क आकारण्यात आला आहे. या पदासाठी अर्ज करण्याची अंतिम मुदत १५ मार्चपर्यंत देण्यात आली आहे.