पाचवी,आठवी शिष्यवृत्ती परीक्षेची उत्तर सूची जाहीर;आक्षेप नोंदवा

एज्युवार्ता न्यूज नेटवर्क 

महाराष्ट्र राज्य परीक्षा परिषदेतर्फे 22 फेब्रुवारी रोजी घेण्यात आलेल्या इयत्ता पाचवी व आठवीच्या शिष्यवृत्ती परीक्षेची उत्तर सूची प्रसिद्ध करण्यात आली असून विद्यार्थी व पालकांना येत्या 10 ते 17 मार्चपर्यंत उत्तर सूचीवर आक्षेप नोंदवता येणार आहेत.

परीक्षा परिषदेने प्रसिद्ध केलेल्या निवेदनानुसार अंतरिम उत्तरसूचीवर काही आक्षेप असल्यास त्याबाबतचे निवेदन परिषदेच्या संकेतस्थळावरुन ऑनलाईन स्वरूपात करता येईल.ऑनलाईन निवेदन पालकांकरीता संकेतस्थळावर व शाळांकरीता त्यांच्या लॉगीनमध्ये Objection on Question Paper & Interim Answer Key या हेडिंगखाली उपलब्ध करून देण्यात आले आहे. त्रुटी / आक्षेपाबाबतचे ऑनलाईन निवेदन येत्या १० मार्च ते १७ मार्चपर्यंत मुदत देण्यात आली आहे. येत्या १७ मार्चनंतर त्रुटी / आक्षेपाबाबतचे निवेदन स्वीकारले जाणार नाही. ऑनलाईन निवेदनाशिवाय इतर कोणत्याही प्रकारे (टपाल, समक्ष अथवा ईमेलव्दारे) प्राप्त त्रुटी /आक्षेपाबाबतच्या निवेदनांचा विचार केला जाणार नाही.

दिलेल्या मुदतीत प्राप्त झालेल्या ऑनलाईन निवेदनांना वैयक्तिकरित्या उत्तर पाठविले जाणार नाही. दिलेल्या मुदतीत प्राप्त झालेल्या ऑनलाईन निवेदनांवर संबंधित विषय तज्ज्ञांचे अभिप्राय घेऊन अंतिम उत्तरसूची परिषदेच्या संकेतस्थळावर यथावकाश प्रसिध्द करण्यात येईल, आहे परिषदेतर्फे प्रसिध्द करण्यात आले आहे.