सुसाइड नोट लिहून शिक्षिकेने संपवले जीवन;३ महिन्यांच्या लेकीने मुखाग्नी देण्याची इच्छा.. 

एज्युवार्ता न्यूज नेटवर्क 

बिहारच्या वैशाली जिल्ह्यातील (Bihar Crime News) कथरा पोलिस स्टेशन हद्दीतून धक्कादायक घटना समोर आली आहे. सेहान येथील एका सरकारी शाळेतील शिक्षिकेने गळफास (The teacher committed suicide) घेऊन आपल्या जीवनाचा शेवट केला. मृत शिक्षिकेने गळफास घेण्यापूर्वी एक सुसाइट नोट (Suicide note) लिहून आपल्या ३ महिन्याच्या मुलीने मुखाग्नी देण्याची इच्छा (A 3-month-old girl expressed the desire to light the funeral pyre) व्यक्त केली आहे. घटनेची माहिती मिळताच कथरा पोलिस घटनास्थळी दाखल झाले. पोलिसांनी मृतदेह ताब्यात घेतला असून शवच्छेदन करण्यासाठी महिलेचे शव रुग्णालयात दाखल करण्यात आले आहे. पोलिस घटनाचा सर्व बाजून तपास करत आहेत. 

मिळालेल्या प्राथमिक माहितीनुसार, मृत शिक्षिका ही शाळेपासून अगदी जवळ असलेल्या भाड्याच्या घरात राहत होती.  या मृत शिक्षिकेच नाव प्रिया भारती असे असून त्या रसुलपूर गावातील दीपक राज यांची पत्नी आहेत. प्रियाला ३ महिन्याची मुलगी आहे. शिक्षिकेने घटनास्थळी सुसाइड नोट लिहिली. यामध्ये शिक्षिकेने लिहिले.'आई,बाबा मला माफ करा! माझा कोणाशीही वाद नाही. मी माझ्या इच्छेने हे जग सोडत आहे. माझा अंतिम संस्कार हजीरपुर मधेच व्हावा. माझ्या मुलीनेच मला मुखाग्नी द्यावी, माझ्या पतीने नाही, असे म्हटले आहे. 

तसेच माझा मोबाईल माझ्या पतीला द्यावा. माझ्या मोबाईल मधे काही व्हिडिओ मेसेज आहेत, त्याचा पासवर्ड माझ्या पतीला माहिती आहे. माझ्यामुळे ज्यांचे मन दुखावलं आहे त्यांची मी माफी मागते. माझ्या कुटुंबावर कोणताही गुन्हा दाखल करू नये. हा माझा वैयक्तिक निर्णय आहे. आई, बाबा मला माफ करा. सर्वात जास्त तर दुःख ह्याच आहे की मी माझ्या छोट्या मुलीला सोडून जाते,' असे मृत शिक्षिकेने लिहिलेल्या सुसाइट नोटमध्ये लिहिले आहे.