सरकारी विमा कंपनीत नोकरीची सुवर्णसंधी, असिस्टंट पदासाठी ५०० जागांची मोठी भरती प्रक्रिया सुरू 

एज्युवार्ता न्यूज नेटवर्क

बँकिंग आणि विमा क्षेत्रात करिअर करू इच्छिणाऱ्या तरुणांसाठी सुवर्णसंधी उपलब्ध झाली आहे. नॅशनल इन्शुरन्स कंपनी लिमिटेडने (NICL) ‘असिस्टंट’ या पदासाठी ५०० जागांची (500 vacancies) मोठी भरती जाहीर (Recruitment Announced) केली आहे. सरकारी नोकरीच्या शोधात असलेल्या सुशिक्षित युवक-युवतींसाठी ही मेगा भरती मोठा दिलासा ठरली आहे. संपूर्ण भारतातील पात्र उमेदवार या भरतीसाठी अधिकृत संकेतस्थळ nationalinsurance.nic.co.in  वर जाऊन  ऑनलाइन पद्धतीने अर्ज करू शकतात. अर्ज करण्याची अंतिम तारीख ७ ऑगस्ट (The deadline for applications is August 7) २०२६ आहे.

या पदासाठी कोणत्याही मान्यताप्राप्त विद्यापीठाची पदवी धारण करणारे उमेदवार पात्र आहेत. १ जुलै २०२६ रोजी उमेदवाराचे वय २१ ते ३० वर्षे असावे. राखीव प्रवर्गातील उमेदवारांना वयात सूट देण्यात आली आहे. अनुसूचित जाती (SC) आणि अनुसूचित जमाती (ST) उमेदवारांना ५ वर्षे, तर इतर मागासवर्गीय (OBC) उमेदवारांना ३ वर्षांची सूट मिळेल. दिव्यांग आणि माजी सैनिक उमेदवारांसाठीही नियमाप्रमाणे सवलत उपलब्ध आहे.

निवड प्रक्रिया दोन टप्प्यांत होणार आहे. पहिल्या टप्प्याची प्रीलिमिनरी परीक्षा २७ ऑगस्ट २०२६ रोजी घेण्यात येईल. उत्तीर्ण उमेदवारांची मुख्य परीक्षा  ३० ऑक्टोबर रोजी होईल. अर्ज करण्याची अंतिम तारीख ७ ऑगस्ट २०२६ आहे. इच्छुक उमेदवार nationalinsurance.nic.co.in या अधिकृत संकेतस्थळावर जाऊन ऑनलाइन अर्ज सादर करू शकतात. अर्ज करण्यापूर्वी सूचना काळजीपूर्वक वाचण्याचे आवाहन करण्यात आले आहे.

सामान्य, ओबीसी आणि EWS प्रवर्गातील उमेदवारांना ८५० रुपये अर्ज शुल्क भरावे लागेल. SC, ST, दिव्यांग आणि माजी सैनिक उमेदवारांना शुल्क भरावे लागणार नाही. निवड झालेल्या उमेदवारांना देशभरातील NICL च्या कोणत्याही शाखेत नियुक्ती दिली जाऊ शकते. ही भरती विमा क्षेत्रात स्थिर आणि प्रतिष्ठित करिअरसाठी उत्तम संधी उपलब्ध करून देते. पात्र आणि इच्छुक उमेदवारांनी तातडीने अर्ज प्रक्रिया पूर्ण करावी.