CLAT परीक्षेचे निकाल पुन्हा जारी करा ; दिल्ली उच्च न्यायालयाचा निर्णय
मुख्य न्यायाधीश डी.के. उपाध्याय आणि न्यायमूर्ती तुषार राव गेडेला यांच्या खंडपीठाने हा निर्णय दिला आहे. CLAT UG-2025 प्रश्नावलीतील काही त्रुटी निदर्शनास आणणाऱ्या याचिकांवर हा निर्णय देण्यात आला आहे. परीक्षेतील अनेक प्रश्न चुकीचे असल्याचा आरोप करणाऱ्या अनेक याचिका विविध उच्च न्यायालयांमध्ये दाखल करण्यात आल्या होत्या.
eduvarta@gmail.com 
एज्युवार्ता न्यूज नेटवर्क
दिल्ली उच्च न्यायालयाने (Delhi High Court) राष्ट्रीय कायदा विद्यापीठांचा संघ (National Law University Consortium) CLAT गुणपत्रिकांमध्ये सुधारणा करण्याचे (Correction in mark sheets) आणि CLAT UG च्या निवडक उमेदवारांची अंतिम यादी चार आठवड्यांच्या आत पुन्हा प्रकाशित करण्याचे निर्देश दिल्ली उच्च न्यायालयाने दिले आहेत.
मुख्य न्यायाधीश डी.के. उपाध्याय आणि न्यायमूर्ती तुषार राव गेडेला यांच्या खंडपीठाने हा निर्णय दिला आहे. CLAT UG-2025 प्रश्नावलीतील काही त्रुटी निदर्शनास आणणाऱ्या याचिकांवर हा निर्णय देण्यात आला आहे. परीक्षेतील अनेक प्रश्न चुकीचे असल्याचा आरोप करणाऱ्या अनेक याचिका विविध उच्च न्यायालयांमध्ये दाखल करण्यात आल्या होत्या. याचिकांमध्ये आव्हान दिलेल्या प्रश्नांवर न्यायालयाने युक्तिवाद ऐकले. CLAT PG-2025 मधील काही प्रश्नांना आव्हान देणाऱ्या याचिकांवर अद्याप सुनावणी झालेली नाही.
६ फेब्रुवारी रोजी, सर्वोच्च न्यायालयाने या मुद्द्यावरील सर्व याचिका "सुसंगत निर्णयासाठी" दिल्ली उच्च न्यायालयात हस्तांतरित केल्या होत्या. देशातील राष्ट्रीय कायदा विद्यापीठांमध्ये पदवीपूर्व आणि पदव्युत्तर कायदा अभ्यासक्रमांसाठी प्रवेश निश्चित करण्यासाठी CLAT च्या निकालाचा आधार घेतला जातो.
