धक्कादायक: हजारो CHB प्राध्यापक घरी बसणार;NEP मुळे बेरोजगारी कुऱ्हाड, पदे केली कमी
एका महाविद्यालयाकडे मागील वर्षी 108 धारक प्राध्यापक काम करत होते.यंदा या महाविद्यालयास केवळ 36 पदे मंजूर केले आहेत.त्यामुळे एकाच महाविद्यालयातील तब्बल 72 प्राध्यापक बेरोजगार झाले. त्यामुळे राज्यातील प्रत्येक महाविद्यालयातील हजारो सीएसबी धारक कमी होणार आहेत.
eduvarta@gmail.com 
एज्युवार्ता न्यूज नेटवर्क
राज्यातील महाविद्यालयांमधील पूर्णवेळ प्राध्यापक भरतीबाबत अद्याप सुरुवात झालेली नाही. त्यात आता राज्याच्या उच्च शिक्षण विभागाने तासिका तत्वावरील (सीएसबी) प्राध्यापकांच्या जागांना मोठी कात्री लावल्याची धक्कादायक माहिती समोर आली आहे.महाविद्यालयांना मंजूर असलेल्या एकूण CHB पदांच्या संख्येत तब्बल 60 ते 65 टक्के घट करण्यात आली आहे. त्यामुळे राज्यातील हजारो सीएसबी प्राध्यापकांवर बेरोजगारीची कुऱ्हाड कोसळणार आहे. तसेच महाविद्यालयांना प्राध्यापकांना विना कॉलेज चालवावी लागणार आहेत. परिणामी पुढील काळात राज्यातील उच्च शिक्षणाचा दर्जा अधिक ढासळणार आहे.त्यामुळे प्राध्यापक संघटना पुढील काळात चांगल्याच आक्रमक होणार आहेत.
देशात राष्ट्रीय शैक्षणिक धोरणाच्या अंमलबजावणीला सुरुवात झाली. NEP अंमलबजावणीमुळे प्राध्यापकांच्या संख्येवर किंवा वर्कलोडवर परिणाम होईल, त्यामुळे सुरुवातीला सर्वच घटकांकडून त्यास विरोध करण्यात आला. मात्र प्राध्यापकांच्या वर्कलोडला कोणताही हात लावला जाणार नाही, असे शासनातर्फेस वेळोवेळी स्पष्ट करण्यात आले. परंतु, उच्च शिक्षण विभागाने यावर्षी महाविद्यालयांना सीएसबी पदभरतीसाठी परवानगी देताना मागील वर्षाच्या मंजूर पदांच्या संख्येचा विचार करता आत्यंत तुटपुंजी पदे मंजूर केली आहेत.
एका महाविद्यालयाकडे मागील वर्षी 108 धारक प्राध्यापक काम करत होते.यंदा या महाविद्यालयास केवळ 36 पदे मंजूर केले आहेत. त्यामुळे आता आमच्या महाविद्यालयाने शैक्षणिक काम कसे करावे, असा प्रश्न संबंधित महाविद्यालयाच्या प्राचार्याने उपस्थित केला जात आहे.ग्रामीण भागातील एका महाविद्यालयातील CHB 33 पदे 18 पर्यंत कमी केली आहेत. तसेच 23 पदे 15 वर आणली आहेत. त्यामुळे प्राचार्य अस्वस्त आहेत. कॉलेज कसे चालवावे,असा प्रश्न त्यांच्या समोर उभा राहिला आहे.
राष्ट्रीय शैक्षणिक धोरणाच्या अंमलबजावणीनंतर मेजर, मायनर अशा विषयांची रचना करण्यात आली. OE ,IKS ,CC अशा वेगवेगळ्या घटकांचा त्यात अंतर्भाव झाला.परंतु, पदे मंजूर करताना याबाबत कोणताही विचार झाला नाही. तसेच पदे कोणत्या शासन निर्णयानुसार किंवा पत्रांनुसार कमी केली, याचेही कारण उच्च शिक्षण विभागाकडून दिले जात नसल्याचे प्राचार्य सांगत आहेत.
राज्यातील सर्वच महाविद्यालयांमधील सीएसबीच्या जागा कमी करण्यात आल्या आहेत. एकीकडे शैक्षणिक गुणवत्ता वाढीसाठी राष्ट्रीय शैक्षणिक धोरणाची अंमलबजावणी केली जात असल्याचे शासनाकडून सांगितले जात असताना महाविद्यालयांना पूर्णवेळ व CHB तत्त्वावरील प्राध्यापक भरतीला परवानगीच द्यायची नाही ,असे धोरण शासनाने स्वीकारल्याचे दिसून येत आहे. त्यामुळे शासनाच्या या धोरणात आणि केल्या जाणाऱ्या अंमलबजावणीत कोणताही ताळमेळ नसल्याचे अधोरेखित होत आहे.
----------------------------
बेरोजगारी वाढल्याने CHB धारकांच्या आंदोलनाचा भडका
सीएसबी धारक प्राध्यापकांना कोणत्या ना कोणत्या कारणांमुळे रोजगार उपलब्ध झाला होता. परंतु राष्ट्रीय शैक्षणिक धोरणाच्या अंमलबजावणीनंतर 108 जागांवरील मंजूर पदे 36 पर्यंत कमी झाली. त्यामुळे एकाच महाविद्यालयातील तब्बल 72 प्राध्यापक बेरोजगार झाले. त्यामुळे राज्यातील प्रत्येक महाविद्यालयातील हजारो सीएसबी धारक कमी होणार आहेत. या प्राध्यापकांवर बेरोजगाराची कुऱ्हाड कोसळणार असल्यामुळे त्याचा परिणाम आंदोलनात झालेला दिसून येईल. त्यामुळे पुढील काळात सीएचबी धारकांच्या आंदोलनाचा भडका राज्यभर उडणार असल्याची शक्यता निर्माण झाली आहे.
-------------
