मी नापास झालो तर ती मला सोडून जाईल... उत्तरपत्रिकेत विद्यार्थ्याचे भावनिक आवाहन
बोर्डाच्या परीक्षा संपल्या की उत्तर पत्रिकेत विद्यार्थ्यांकडून लिहिल्या गेलेल्या चित्र विचित्र गोष्टी नेहमीच चर्चेचा विषय ठरतात. यंदा पण अशाच काही गमतीदार गोष्टी उत्तरपत्रिकेत पहायला मिळाल्या. कर्नाटक बोर्डाच्या दहावीच्या परीक्षाही नुकत्याच संपल्या. सोशल मीडियावर या परीक्षेतील उत्तरपत्रिकांचे काही फोटो व्हायरल होत आहेत
eduvarta@gmail.com 
एज्युवार्ता न्यूज नेटवर्क
"प्लीज सर मला पास करा. मी नापास झालो तर माझी गर्लफ्रेंड मला सोडून जाईल..." हे वाक्य 10 वी च्या परीक्षेतील उत्तर पत्रिकेतील आहे. पेपर तपासणार्‍या शिक्षकाला आपले दुःख सांगत आपल्याला पास करण्याची विनंती एका विद्यार्थ्याने केली आहे. (The bizarre things written by students in the answer sheets) कर्नाटक राज्यातील ही उत्तरपत्रिका सध्या खूप व्हायरल होत आहे. (The answer sheet is currently going viral)
बोर्डाच्या परीक्षा संपल्या की उत्तर पत्रिकेत विद्यार्थ्यांकडून लिहिल्या गेलेल्या चित्र विचित्र गोष्टी नेहमीच चर्चेचा विषय ठरतात. यंदा पण अशाच काही गमतीदार गोष्टी उत्तरपत्रिकेत पहायला मिळाल्या. कर्नाटक बोर्डाच्या दहावीच्या परीक्षाही नुकत्याच संपल्या. सोशल मीडियावर या परीक्षेतील उत्तरपत्रिकांचे काही फोटो व्हायरल होत आहेत ज्यात विद्यार्थ्यांनी केवळ प्रश्नांची उत्तरे दिली नाहीत तर शिक्षकांना प्रभावित करण्यासाठी पैसे, प्रेमपत्रे आणि भावनिक आवाहने देखील केले आहे.
चिक्कोडी जिल्ह्यातील एका विद्यार्थ्याने त्याच्या उत्तरपत्रिकेत ५०० रुपयांची नोट चिकटवली आणि लिहिले, "कृपया सर, मला पास करा."
एकाने लिहिले आहे की, ' सर माझे प्रेम तुमच्याच हातात आहे. मी नापास झालो तर माझी गर्लफ्रेंड मला सोडून जाईल.'
एका विद्यार्थ्याने लिहिले आहे की, 'सर माझ्या तर्फे एक गरमागरम चहा प्या आणि मग माझा पेपर तपासा.'
तर एकाने लिहिले आहे की, 'सर मी नापास झालो तर माझे आई वडील मला कॉलेजला पाठवणार नाहीत.'
या उत्तरपत्रिका सोशल मीडियावर हिट ठरल्या आहेत. या मजेदार घटनांचे फोटो आता सोशल मीडियावर व्हायरल झाले आहेत. काही जण विद्यार्थ्यांच्या सर्जनशील विचारसरणीचे कौतुक करत आहेत तर काही जण याला शिक्षण व्यवस्थेला दोष देत आहेत.
