NEET UG पेपर झाले होते लिक ? ; परीक्षेच्या आदल्या दिवशी काय घडले ...

एज्युवार्ता न्यूज नेटवर्क 

NEET UG चा पेपर लिक (paper leaked) झाला होता की नाही याविषयी वाद सुरु असताना आता या प्रकरणाची चौकशी करणाऱ्या अधिकाऱ्यांकडून धक्कादायक माहिती समोर आली आहे. काही विद्यार्थ्यांना परीक्षेच्या एक दिवस आधी (A day before the exam for the student) प्रश्नपत्रिकेसह उत्तरपत्रिका उपलब्ध करून देण्यात आल्या होत्या. एका खोलीत एक दिवस आधी या विद्यार्थ्यांना ठेवण्यात आले होते. तयाच्याकडून पेपरची तयारी करवून घेण्यात आली होती. 

मीडिया रिपोर्टनुसार NEET UG परीक्षेच्या पेपर लीकची चौकशी करणाऱ्या अधिकाऱ्यांनी दावा केला आहे की विद्यार्थ्यांना परीक्षेच्या एक दिवस आधी पेपर मिळाला होता. प्रश्नपत्रिकेसह उत्तरपत्रिका सुमारे 20 विद्यार्थ्यांपर्यंत पोहोचली होती. दरम्यान 5 मे रोजी झालेल्या NEET परीक्षेचा पेपर फुटल्याचा आरोप झाला होता. ज्याबद्दल राहुल गांधी आणि प्रियंका गांधी यांनीही ट्विट केले होते. त्यानंतर या प्रकरणाचा तपास सुरू झाला.

पेपरफुटीचा तपास करताना पाटणा पोलिसांनी आतापर्यंत १३ जणांना अटक केली आहे. या विषयी अधिक माहिती देताना एसएसपी राजीव मिश्रा यांनी सांगितले की, बिहारच्या विविध ठिकाणांहून इच्छुकांना पाटणा येथील रामकृष्ण नगर येथे भाड्याच्या घरात आणण्यात आले होते, जिथे त्यांना प्रश्नपत्रिका पुरवण्यात आल्या होत्या. रामकृष्ण नगर येथील एका भाड्याच्या घराच्या तळमजल्यावरील दोन खोल्यांमध्ये सुमारे २५ विद्यार्थ्यांकडून प्रश्न आणि त्यांची उत्तरे पाठ करून घेण्यात आली होती. चौकशी दरम्यान या घराच्या छतावर अर्ध्या जळालेल्या प्रश्नपत्रिका आढळून आल्या. 

या प्रकरणी चार विद्यार्थी आणि त्यांच्या पालकांसह एकूण 13 जणांना अटक करण्यात आली आहे.

दरम्यान, NTA ने पेपर लीक झाला नसल्याचा दावा केला होता. NTA सोमवारी NEET UG परीक्षेचा पेपर फुटल्याचा आरोप निराधार असल्याचे म्हटले होते. NTA ने या संदर्भात अधिकृत नोटीस जारी केली होती.