तब्बल २ हजार ७७१ होमगार्ड पदांसाठी भरती सुरू

एज्युवार्ता न्यूज नेटवर्क 

 बृहन्मुंबई जिल्हा अंतर्गत (Brihanmumbai District Recruitment) २ हजार ७७१ होमगार्ड पदांसाठी भरती (Recruitment for 2 thousand 771 Home Guard posts) जाहीर करण्यात आली असून त्यासाठी अर्ज प्रक्रिया सुरू (Application process begins) झाली आहे. इच्छुक आणि पात्र उमेदवार अधिकृत संकेतस्थळ https://maharashtracdhg.gov.in/mahahg/enrollmentform.php वर जाऊन अर्ज करू शकतात. अर्ज करण्याची अंतिम मुदत १० जानेवारी रात्री ९ वाजेपर्यंत देण्यात आली आहे. 

या भरती प्रक्रियेसाठी पुरुष आणि महिला उमेदवार पात्र आहेत. भरती प्रक्रियेत सहभागी होण्यासाठी उमेदवार किमान १० वी उत्तीर्ण असणे आवश्यक आहे. तसेच उमेदवाराचे वय किमान २० वर्षे पूर्ण असावे, तर कमाल वय मर्यादा ५० वर्ष आहे. पुरुष उमेदवाराची उंची १६२ से. मी. असावी तर महिला उमेदवाराची उंची १५० सें. मी. असणे आवश्यक आहे. फक्त पुरुष उमेदवारासाठी छाती न फुगवता किमान ७६ सें. मी. असावी तर फुगल्यानंतर ८१ से. मी. असणे आवश्यक आहे. 

भरती मोहिमेतील एकूण २ हजार ७७१ पदांपैकी ५०० पदे महिलांसाठी राखीव ठेवण्यात आले आहेत. तर उर्वरित २२७१ पदे ही पुरुष उमेदवारांसाठी असणार आहेत. या भरती प्रक्रियेत सहभागी होणाऱ्या उमेदवारांकडे रहिवासी प्रमाणपत्र, शैक्षणिक पात्रता पूर्ण करणारे दहावी उत्तीर्ण असलेले प्रमाणपत्र, जन्म तारीखेचा दाखला व शाळा सोडल्याचा दाखला ही मुख्य कागदपत्रे अर्ज भरताना जवळ असणे आवश्यक आहे. भरती प्रक्रियेत निवड झालेल्या उमेदवारांना बंदोबस्त काळात प्रतिदिन १०८३ रुपये कर्तव्य भत्ता व २०० रुपये उपहार भत्ता म्हणून जेवणासाठी दिला जातात. तसेच प्रशिक्षण काळात २५० रुपये भोजन भत्ता व खिसा भत्ता म्हणून १०० रुपये दिले जातात. तसेच साप्ताहिक कवायतीसाठी १८० रुपये कवायत भत्ता दिला जातो.