बी. जे. मेडिकल कॉलेजमध्ये रॅगिंग; मंत्रालयातून चक्रे फिरली, दोघांना निलंबित 

एज्युवार्ता न्यूज नेटवर्क

शिक्षणाचे माहेरघर असलेल्या पुण्यात धक्कादायक (Pune ragging case) प्रकार घडला आहे. ससून रुग्णालयाशी संलग्न बी. जे. मेडिकल कॉलेजमध्ये (B. J. Medical College) एका शिकाऊ निवासी डॉक्टरांवर रॅगिंग (Ragging on trainee resident doctors) झाल्याची धक्कादायक माहिती उजेडात आली आहे. त्यानंतर थेट मंत्रालयातून चक्रे फिरली आणि रॅगिंग करणाऱ्या दोघा शिकाऊ डाॅक्टरांना सहा महिन्यांसाठी निलंबित (Suspended for six months) करण्यात आले आहे. 

पुण्यातील एका नामांकित शिक्षण संस्थेचे संस्थापक असलेल्या व्यक्तीच्या नातवावर पुण्यातील बी.जे. मेडीकल वैद्यकिय महाविद्यालयात रॅगींगचा करण्यात आल्याचा प्रकार समोर आला. हा मुलगा बीजे मेडीकल वैद्यकीय महाविद्यालयात एम एस होण्यासाठी आर्थोपेडीक अभ्यासक्रमाच्या पहिल्या वर्षाचा विद्यार्थी आहे. याच डीपार्टमेंटमध्ये दुसऱ्या वर्षात शिकणाऱ्या दोन विद्यार्थ्यांनी त्याच्यावर रॅगींग केल्याचा आरोप आहे. 

पहिला वर्षात शिकणाऱ्या या मुलाला त्यांचे दोन सिनिअर्स डीपार्टमेंटमधे डोक्यावरुन कधी गार पाणी ओतून घ्यायला लावायचे तर कधी गरम पाणी ओतून घ्यायला लावायचे. या मुलाने महाविद्यालय प्रशासनाकडे वेळीच तक्रार केली मात्र कोणीही त्याची पुरेशी दखल न घेतल्याने मुंबईला वैद्यकिय शिक्षण विभागाकडे दाद मागण्यात आली. त्यानंतर या प्रकरणाची चौकशी करण्यासाठी चौकशी समिती नेमण्यात आली. या समितीच्या अहवालानंतर दोन विद्यार्थ्यांना सहा महिन्यांसाठी म्हणजे अभ्यासक्रमाच्या एका टर्मसाठी निलंबीत करण्यात आलं आहे.
________________________________

बी जे वैद्यकीय महाविद्यालयात घडलेल्या रॅगिंग प्रकरणाची तक्रार वैद्यकीय शिक्षण विभागाकडे करण्यात आल्यामुळे आल्यामुळे त्यांची गंभीर दखल घेण्यात आली असून यापुढे असे प्रकार घडू नयेत याची काळजी घेतली जाईल. त्या अनुषंगाने चौकशी करण्याचे आदेश देण्यात आले होते. या प्रकरणी रॅगिंग समितीने त्यांची बैठक घेतली आहे. त्यानंतर त्याचा अहवाल वैद्यकीय विभागाकडे पाठवला जाईल. ज्यांनी हा प्रकार केला आहे त्यांच्यावर आम्ही कडक कारवाई करू. 

- हसन मुश्रीफ, वैद्यकीय शिक्षण मंत्री