अखेर TET परीक्षेचा निकाल जाहीर; 11.28 टक्के निकाल
पेपर एक चा निकाल 11.47 टक्के तर पपेट 2 चा निकाल 11.13 टक्के लागला आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य परीक्षा परिषदेतर्फे घेण्यात आलेल्या टीईटी परीक्षेचा निकाल मंगळवारी (दि.३) जाहीर झाला असून यंदा निकालात 11.28 टक्क्यापर्यंत वाढ झाली आहे. परीक्षा दिलेल्या उमेदवारांपैकी 50 हजार 369 उमेदवार उत्तीर्ण झाले आहेत. सर्वोच्च न्यायालयाने दिलेल्या आदेशामुळे टीईटी परीक्षा उत्तीर्ण होणे बंधनकारक झाल्यामुळे सेवेत असलेल्या अनेक शिक्षक टीईटी परीक्षा देऊन उत्तीर्ण झाले आहेत. पेपर एक चा निकाल 11.47 टक्के तर पपेट 2 चा निकाल 11.13 टक्के लागला आहे.
टीईटी परीक्षेच्या पेपर 1 साठी 1 लाख 90 हजार 901 विद्यार्थी उपस्थित होते. पेपर 2 साठी 2 लाख 55 हजार 829 विद्यार्थी उपस्थित होते. पेपर एक मधील 21 हजार 892 उमेदवार उत्तीर्ण झाले आहेत तर पेपर दोन मधील 28 हजार 477 उमेदवार उत्तीर्ण झाले आहेत. पेपर एक मधील परीक्षेला प्रविष्ट झालेले 1 लाख 68 हजार 993 उमेदवार अनुत्तीर्ण झाले आहेत. पेपर 2 मधील 2 लाख 27 हजार 223 उमेदवार अनुत्तीर्ण झाले आहेत.
