विद्यार्थ्यांचे 22 पानाचे प्रगतिपुस्तक असणार; राज्य शासनाचा निर्णय
विद्यार्थ्यांना कौशल्याधारित शिक्षणामध्ये देखील रुची निर्माण व्हावी, यासाठी इयत्ता सहावीपासून इलेक्ट्रिक व मेकॅनिकचाही अभ्यासक्रम सुरू केला आहे. यामुळे शालेय जीवनातच विद्यार्थ्यांना त्यांचे करिअर निवडता येणार आहे.
eduvarta@gmail.com 
एज्युवार्ता न्यूज नेटवर्क
विद्यार्थ्यांना चांगल्या दर्जाचे शिक्षण देण्यासाठी (To provide good quality education to students) शिक्षण विभागाने (department of education) शैक्षणिक धोरणात अनेक बदल केले आहेत. बालकांचा सर्वागीण विकास व प्रगतीची खात्री हा उद्देश डोळ्यासमोर ठेवून राज्य शासनाने (State Govt) शाळांमध्ये समग्र प्रगतिपत्रक काढण्याचा निर्णय घेतला आहे. विशेष म्हणजे सदर प्रगतिपत्रक २२ ते २४ पानांचे असणार आहे. ज्यात खेळ, कला, अभ्यासासह विद्यार्थी कोणत्या क्षेत्रात प्रगती करू शकतो, हे ओळखून त्याला संधी दिली जाणार असल्याची माहिती एका प्रसारमाध्यमाने आयोजित केलेल्या मुख्याध्यापकांच्या बैठकीत (At the principal's meeting) देण्यात आली आहे.
विद्यार्थ्यांना कौशल्याधारित शिक्षणामध्ये देखील रुची निर्माण व्हावी, यासाठी इयत्ता सहावीपासून इलेक्ट्रिक व मेकॅनिकचाही अभ्यासक्रम सुरू केला आहे. यामुळे शालेय जीवनातच विद्यार्थ्यांना त्यांचे करिअर निवडता येणार आहे.
याशिवाय बालक स्वतःच्या शिक्षणात सक्रिय सहभागी होण्यासाठी एकात्मिक अध्यापनशास्त्रीय साधनांतर्गत खेळणी आधारित अध्यापनशास्त्र, कला-एकात्मिक अध्ययन, क्रीडा-एकात्मिक अध्ययन, अनुभव आधारित अध्ययन, समुदायाचा सहभाग, शिक्षणासाठी स्थानिक संसाधनांचा वापर असणार आहे. समुदायाचा सहभाग अंतर्गत मुलांच्या घराशेजारील शेजाऱ्यांकडूनही विद्यार्थ्यांचे मूल्यमापन होणार आहे.
